Aurora polar

Videu realizáu pola tripulación de la Estación Espacial Internacional qu'amuesa la aurora polar, que ye causada por partícules con alta enerxía nel ambiente espacial.

Aurora polar (o aurora polaris) ye un fenómenu en forma de rellumu o luminiscencia que se presenta nel cielu nocherniegu, xeneralmente en zones polares, anque puede apaecer n'otres zones del mundu mientres curtios periodos. Nel hemisferiu sur ye conocida como Aurora austral, y nel hemisferiu norte como Aurora boreal, que'l so nome provién d'Aurora, la diosa romana del amanecer, y de la pallabra griega Bóreas, que significa norte.

Los meyores momentos pa reparala son ente setiembre y marzu nel hemisferiu norte (aurora boreal), y ente marzu y setiembre nel hemisferiu sur (aurora austral).