Batalla d'Inglaterra

Batalla d'Inglaterra
Parte de Segunda Guerra Mundial
Fecha	10 xunetu 1940 → 31 ochobre 1940
Llugar	La canal de la Mancha y les islles britániques
Coordenaes	50°N 0°E / 50°N 0°E / 50; 0
Resultáu	Victoria decisiva británica
Belixerantes
Reinu Xuníu Imperiu británicu Voluntarios  Estaos Xuníos Polonia Checoslovaquia Francia Bélxica Arxentina Exiliaos españoles Alemaña nazi Reinu d'Italia
Comandantes
Hugh Dowding Keith Park Trafford Leigh-Mallory Quintin Brand Richard Saul Hermann Göring Albert Kesselring Hugo Sperrle
Fuercies en combate
754 caces monoplaza 149 caces biplaza 560 bombarderos 500 guardacostes[1] 2936 piloto/tripulación[2] 1107 caces monoplaza 357 caces biplaza 1380 bombarderos 428 Stukes 569 aviones de reconocencia 233 guardacostes[1]
Baxes
1023 caces 376 bombarderos 148 guardacostes[3]  544 piloto/tripulación[2] 873 caces 1014 bombarderos[3] 27 540 civiles muertos 32 138 civiles mancaos
[editar datos en Wikidata]

Plantía:Campaña Frente OccidentalPlantía:Campaña Batalla d'Inglaterra

La batalla d'Inglaterra —n'inglés: Battle of Britain; n'alemán: Luftschlacht um England— ye'l nome col que se conoz al conxuntu de combates aéreos llibraos en cielu británicu y sobre la canal de la Mancha, ente xunetu y ochobre de 1940, cuando Alemaña buscó destruyir a la Royal Air Force (RAF) pa llograr la superioridá aérea necesaria pa una invasión de Gran Bretaña, la Operación Lleón Marín.

Nin Adolf Hitler nin la Wehrmacht creíen posible consiguir una invasión anfibia con ésitu hasta que la RAF fuera neutralizada. Los oxetivos secundarios yeren destruyir la producción d'aeronaves y les infraestructures terrestres pa obligar al gobiernu británicu a buscar dalguna solución negociada. Los alemanes fueron ganaos polos británicos, lo que sirvió a los Aliaos pa utilizar Gran Bretaña como base pa invadir Europa en 1944.

Dellos historiadores aldericaron sobre'l fechu de que nengún tipu d'invasión fuera posible dada la superioridá masiva de la Royal Navy sobre la Kriegsmarine; dicha operación probablemente fuera un desastre. Arguméntase que la Luftwaffe fuera incapaz d'evitar la intervención decisiva de los cruceros y destructores de la Royal Navy, inclusive con superioridá aérea.

La batalla d'Inglaterra foi la primer gran batalla dafechu apostada nel aire. Foi la mayor y más allegada campaña aérea habida hasta güei y la primer prueba de les estratexes de bombardeos que remanecieron dende la Primer Guerra Mundial y foi tamién la primer vegada mientres esta guerra qu'Alemaña yera ganada. Esta derrota supunxo que, al invadir Hitler la XRSS en 1941, Alemaña llucharía nuna guerra con dos frentes abiertos al empar, contradiciendo les sos idees espuestes en Mein Kampf, nes qu'esponía la desventaxa xeográfica d'Alemaña, asitiada ente les potencies democrátiques occidentales (como'l Reinu Xuníu y Francia) y el gobiernu socialista de la URSS, al respective de otres potencies y polo tanto nun debía nunca lluchar una guerra ensin cerrar primero un frente antes d'abrir otru.

1. ↑ ^{1,0 1,1} Bungay, 2008, p. 142.
2. ↑ ^{2,0 2,1} (N'inglés.) «The Few: Who Were “The Few”?» Royal Air Force. Consultáu'l 3 d'abril de 2016.
3. ↑ ^{3,0 3,1} Bungay, 2008, p. 469.