Cheyenne (Wyoming)

Cheyenne
Alministración
País	Estaos Xuníos
Estaos	Wyoming
Condáu	condáu de Laramie
Tipu d'entidá	ciudá
Mayor of Cheyenne, Wyoming (en)	Patrick Collins (en)
Nome oficial	Cheyenne (en)
Nome llocal	Cheyenne (en)
Códigu postal	82001–82010, 82001, 82002, 82003, 82008 y 82010
Xeografía
Coordenaes	41°08′44″N 104°48′07″W / 41.1456°N 104.8019°O
	Cheyenne Cheyenne (los EE.XX.)
Superficie	70.247084 km²
Altitú	1848 m
Demografía
Población	65 132 hab. (1r abril 2020)
Porcentaxe	100% de condáu de Laramie
Densidá	927,18 hab/km²
Viviendes	27 599 (31 avientu 2020)
Más información
Fundación	1867
Prefixu telefónicu	307
Estaya horaria	Mountain Time Zone (MTZ)
Llocalidaes hermaniaes	Lourdes, Taichung y Voghera (es)
	cheyennecity.org

Cheyenne ye la capital del estáu norteamericanu de Wyoming, y tamién la del condáu de Laramie. Ye, colos sos 63.243 habitantes (U.S. Census Bureau, 2020), la mayor del estáu.

Foi fundada en 1867, no que entóncenes yera'l territoriu de Dakota, pol xeneral Greenville M. Dodge nel llugar nel que la llinia de la Union Pacific Railroad cruciaba'l ríu Crow Creek, afluente del ríu South Platte. Lo que nació como Crow Creek Crossing fue nomáu después, n'honor de la tribu india homónima, Cheyenne. La ciudá creció bien ceo, porque munchos pensaron que la construcción del ferrocarril diba traer prosperidá al territoriu. Ansina, namái que cuatro meses dempués de la so fundación yá vivíen nella cuatro mil persones. Munches colaron más pal oeste siguiendo la construcción del tren, pero la ciudá, la única del territoriu de Wyoming, convirtióse nel so centru alministrativu y en sede de delles instituciones militares que llegaron a id de güei, amás de nel cargaderu, nel citáu ferrocarril, del ganáu de tola rodiada.

La so actividá económica ta fuertemente venceyada al sector públicu. Nella tienen la sede la mayoría de les oficines de l'alministración estatal, y, d'otra banda, hai munches persones que trabayen na base aérea militar Francis E. Warren. La ciudá entá ye un ñudu ferroviariu importante, y dientro de los intentos de l'alministración llocal por diversificar la economía de la ciudá, foron instalándose centros de distribución de delles empreses como Lowe's o Wal-Mart. La ciudá ye, tamién, la sede de la empresa de tiendes d'outlet Sierra Trading Post, de la de comida rápida Taco John's y de la compañía aérea Great Lakes Airlines. Na rodiada de la ciudá, aprovechando la circunstancia de que Cheyenne ye una de les ciudaes más ventoses d'Estaos Xuníos, tan sacándose alantre proyeutos d'instalación de molinos eólicos pa producir enerxía.