Darwin (Australia)

Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. Pues añadiles tu mesmu o avisar al autor principal del artículu na so páxina d'alderique pegando: {{subst:Avisu referencies|Darwin (Australia)}} ~~~~

Darwin
Alministración
País	Australia
Territorio continental australiano (es)	Territoriu del Norte
Tipu d'entidá	ciudá
Cabezaleru/a del gobiernu	Kon Vatskalis
Nome oficial	Darwin (en)
Nome llocal	Darwin (en)
Códigu postal	0800
Xeografía
Coordenaes	12°26′17″S 130°50′28″E / 12.4381°S 130.8411°E / -12.4381; 130.8411
Darwin Darwin (Australia)
Superficie	112.01 km²
Altitú	0 m
Demografía
Población	139 902 hab. (9 agostu 2021)
Porcentaxe	57.02% de Territoriu del Norte
Densidá	1249,01 hab/km²
Más información
Fundación	1869
Prefixu telefónicu	0879 y 0889
Estaya horaria	UTC+09:30
Llocalidaes hermaniaes	Anchorage, Dili, Kálimnos (es) , Ambon (es) , Haikou y Milikapiti
darwin.nt.gov.au

Darwin ye una ciudá australiana, capital del Territoriu del Norte. La ciudá, asitiada a la oriella del mar de Timor, ye la mayor del territoriu. Allúgase nel condáu de Palmerston, ún de los cinco nos que se divide'l Territoriu del Norte, y tien una población de 139 902 habitantes (9 agostu 2021)^[1][2]. Nesa cifra nun s'inclúin los 33.695 de Palmerston, una ciudá satélite planificada na década de 1970 asitiada al sureste d'ella. Darwin ye'l centru comercial y políticu del territoriu, y ta venceyada al restu del país pola autopista Stuart, que la conecta atravesando Australia central cola ciudá de Port Augusta, n'Australia del Sur, y pol so aeropuertu internacional. El so puertu tien munchu movimientu comercial coles vecines Indonesia y Timor Oriental. Tien, como la mayoría del Top End, un clima tropical, con una estación seca y otra lluviosa. Esta cabera entama a finales de payares, y trae bien de lluvia monzonica, rellámpagos y actividá ciclónica.

La zona del país na que ta allugada Darwin ye la tierra tradicional de la etnia Larrakia. El 9 de setiembre de 1839 el barcu HMS Beagle amarró nel puertu natural de Darwin nel so viaxe d'esploración de la zona. El capitán John Clements Wickham dio-y a la fastera'l nome de Port Darwin n'honor del so antiguu compañeru Charles Darwin, que viaxara con elli nel anterior viaxe del Beagle, que finara n'ochobre de 1836. L'asentamientu convirtióse, en 1869, na villa de Palmerston, y camudó'l so nome, pol actual, en 1911. La ciudá tuvo que ser completamente reconstruyida cuatro veces na so historia: tres del pasu de los ciclones de 1897 y 1837, al finar la Segunda Guerra Mundial, polos estrozos de los bombardeos xaponeses, y tres del pasu del ciclón Tracy en 1974.

Les ciudaes hermaniaes con Darwin son:

• Kálimnos ^(es) (dende 23 abril 1982) ( Grecia)^[3]
• Anchorage (dende 28 xunetu 1982) ( Estaos Xuníos)
• Ambon ^(es) (dende 28 ochobre 1988) ( Indonesia)
• Haikou (dende 5 setiembre 1990) ( República Popular China)^[4]
• Milikapiti (dende 5 xunetu 1999) ( Australia)
• Dili (dende 18 setiembre 2003) ( Timor Oriental)

1. ↑ Afirmao en: Australian Statistical Geography Standard 2021. Australian Statistical Geography 2021 ID: 7GDAR. Data de consulta: 24 abril 2023. Editorial: Australian Bureau of Statistics. Data d'espublización: 20 xunetu 2021.
2. ↑ Censo de Australia en 2021 ^(es)
3. ↑ URL de la referencia: https://kalymnos.gov.gr/el/municipality/adelfopoiiseis.
4. ↑ URL de la referencia: http://enfaohn.hainan.gov.cn/wsbSR/wsbSC/index_m.html.