Back The Flower of Scotland AN وردة إسكتلندا Arabic Flower of Scotland Azerbaijani Flower of Scotland Breton Flower of Scotland Catalan Flower of Scotland Czech Flower of Scotland Welsh Flower of Scotland Danish Flower of Scotland German The Flower of Scotland Greek
| Flower of Scotland | |
|---|---|
| Datos | |
| Tipu | himnu nacional |
| Idioma | inglés |
| Lletrista | Roy Williamson |
| Compositor | Roy Williamson |
 | |
Flower of Scotland (Flùir na h-Alba en Gaélicu escocés) ye l'himnu nacional non oficial d'Escocia. Flower of Scotland escribiólu el músicu Roy Williamson del grupu folk The Corries y fuera asoleyáu nel añu 1967. La lletra refierese a la batalla de Bannockburn nel añu 1314 ente los exércitos de Robertu I d'Escocia y Duvardu II d'Inglaterra, que ganaren los escoceses.
Ye utilizao dende l'añu 1974 nos partíos de l'equipu nacional de rugbi y dende 1997 úsalo la seleción escocesa de fútbol. Nos partíos escontra Inglaterra, cántense con especial puxu los dos caberos versos de cada estrofa. De xemes en cuando, camúdase la lletra:
- And stood against him,
- England!
- Proud Edward's Army,
- Bastards!
Camentando que yera abondo agresivu, en 2004 presentose nel Parllamentu escocés una propuesta pa camudalu por otru nos encuentros deportivos. Arriendes d'ello, en xunetu de 2006 la Royal Scottish National Orchestra fizo una encuesta con cinco canciones candidates a himnu nacional d'Escocia. 10.000 persones respondieron dafechu, col siguiente resultao:
| Canción | Votos (%) |
|---|---|
| Flower of Scotland | 41% |
| Scotland the Brave | 29% |
| Highland Cathedral | 16% |
| A Man's a Man for A' That | 7% |
| Scots Wha Hae | 6% |