Folclor

Folclor
xéneru
Tradición

El folclor^[1] (del inglés folk, «pueblu» y lore, «mancomún», «saber» o «conocencia»)^[2] ye'l conxuntu d'artesaníes, bailles, chistes, costumes, cuentos, histories orales, lleendes, música, proverbios y supersticiones, común a una población concreta, incluyendo les tradiciones de dicha cultura, subcultura o grupu social. Amás suelse llamar de la mesma manera al estudiu d'estes materies. Sicasí, hubo munchos desalcuerdos referentes a qué contenía exactamente'l folclor: dalgunos falaben solo de cuentos, creencies y otros incluyíen tamién festividaes y vida común.^[3]

El términu inglés folklore foi usáu per primer vegada'l 22 d'agostu de 1846 pol so creador, l'arqueólogu británicu William Thoms, quien deseyaba crear una pallabra pa denominar lo qu'entós se llamaba «antigüedaes populares».

La definición más llargamente aceptada polos investigadores actuales de la especialidá ye «la comunicación artística en grupos pequeños», propuesta pol investigador de la Universidá de Pennsylvania Dan Ben Amos.^[4]

En 1960, la UNESCO designó'l 22 d'agostu de cada añu como "Día Mundial del Folclor" como reconocencia a Thoms.^[5]

1. ↑ Esti términu apaez nel Diccionariu de l'Academia de la Llingua Asturiana. Ver: folclor
2. ↑ El términu formal equivalente d'etimoloxía griega ye «demosofía» (de δημος, treslliteráu como deamos, «pueblu», y σοφία, sophía, «sabiduría»).
3. ↑ Diccionario Folcklórico Argentino, Félix Coluccio, 1981, ediciones Plus ultra
4. ↑ Palacios, Francisco Depresión sieglu XXI (EPUB), páx. 269. ISBN 9781463353803.
5. ↑ Ministeriu d'Educación de Chile (04 de agostu de 2007), Decreto 207, http://www.leychile.cl/Navegar?idNorma=263405&idVersion=2007-08-04 .