Ho Chi Minh

Ho Chi Minh
Voz
Secretario General del Partido Comunista de Vietnam (es) 1r payares 1956 - 10 setiembre 1960 ← Truong Chinh (es) - Lê Duẩn (es) → miembro de la Asamblea Nacional de Vietnam (es) 2 marzu 1946 - 2 setiembre 1969 Presidente de Vietnam 2 setiembre 1945 - 2 setiembre 1969 ← Bảo Đại (es) - Tôn Đức Thắng → Primer Ministru de Vietnam 2 setiembre 1945 - 20 setiembre 1955 ← Tran Trong Kim (es) - Phạm Văn Đồng (es) →
Vida
Nacimientu	Kim Liên (en) , 19 de mayu de 1890[1]
Nacionalidá	Vietnam del Norte Indochina francesa
Residencia	Ḥanói
Llingua materna	vietnamín
Muerte	Ḥanói, 2 de setiembre de 1969[2] (79 años)
Sepultura	Mausoleo de Ho Chi Minh (es)
Causa de la muerte	insuficiencia cardiaca
Familia
Padre	Nguyễn Sinh Sắc
Madre	Hoang Thi Loan
Estudios
Estudios	Universidá Comunista del Este Quoc Hoc – Hue High School for the Gifted (en)
Llingües falaes	inglés francés rusu vietnamín[3] Chinu cantonés chinu mandarín
Oficiu	políticu, escritor, poeta, periodista, militar
Llugares de trabayu	París y Ḥanói
Premios	ver Gran Cruz de la Orde Polonia Restituta Orden de la Estrella de Oro Orde de Lenin  (1967) [4]
Seudónimos	Nguyễn Ái Quốc[5], Hồ Chí Minh[6] y Nguyễn Tất Thành
Serviciu militar
Graduación	xeneral
Lluchó en	Guerra de Vietnam Guerra d'Indochina
Creencies
Relixón	relixón tradicional vietnamina
Partíu políticu	Partíu Comunista de Vietnam (dende 1951) Indochinese Communist Party (en) (de 1930 a 1945) Partíu Comunista Francés (de 1921 a 1925) Seición Francesa de la Internacional Obrera (de 1919 a 1921)
IMDb	nm0387282

Hồ Chí Minh (19 de mayu de 1890, Kim Liên ^(en)  – 2 de setiembre de 1969, Ḥanói) foi un revolucionariu y estadista vietnamita.

El so nome nun yera Ho Chi Minh, ésti yera un nomatu que-y dieron que significa aquel que da lluz. El so verdaderu nome yera Nguyễn Sinh Cung (na llingua llocal Nguyen Sinh Coong).

En 1911 entama a trabayar como cocineru nun barcu francés col que percorre tol mundiu. Instálase en Londres nel 1915 y con 21 años va pa Francia, au vive como xardineru. Fai alderiques colos movimientos socialistes franceses y en 1920 ta na fundación del Partíu Comunista Francés. En 1923 foi pa Moscú pa estudiar táutiques de guerra y entra nel Comintern, brazu políticu internacional del Partíu comunista Rusu. Vive en dellos países hasta llegar pa Hong Kong, onde dirixe'l movimientu antimperialista n'Indochina, baxo poder francés dende 1854.

Fechu presu pelos ingleses en 1930, fúgase y refáxase en Moscú. En 1941, funda la Lliga pala Independencia de Vietnam (Vietminh) pa lluchar escontra los franceses. Demientres la Segunda Guerra Mundial fai usu d'esta guerrilla pa combatir a los xaponeses. Al rematar l'enfrentamientu, forma un estáu independiente nel norte de la rexón, Vietnam. Francia contraataca y la Guerra d'Indochina remata nel 1954 col trunfu del Vietminh. El país queda dixebráu en dos cachos. Ho Chi Minh, presidente de Vietnam del Norte, prepara y sofita a les fuercies del Frente de Lliberación Nacional de Vietnam del Sur (FLN o Vietcong) cola intención de xunir el país. Entama la percélebre Guerra de Vietnam, au los Estaos Xuníos lluchen ensin descansu a lo llargo de 15 años con consecuencies qu'anguaño sufren delles persones nesti país asiáticu.

Esti fechu históricu tien númberos llaceriantes tanto pa los estauxunidenses con casi 60.000 soldaos muertos y 150.000 firíos, como otros países que-y ufrieron el so sofitu, como por exemplu, Australia con 500 muertos y 3.000 firíos.

Algama la traxedia pa los vietnamites con más de 3 millones de muertos y tres millones que sufren ainda anguaño los efeutos del axente naranxa, un poderosu defoliante qu'usaron los estauxunidenses p'arrasar tola viesca tropical del país. Demientres la guerra, Estaos Xuníos llanzó más de 7 millones de tonelaes de bombes y 100.000 tonelaes de sustancies químiques tóxiques.

Ho Chi Minh morrió en 1969 na so casa de Ḥanói a los 79 años d'edá d'un paru cardiacu.

En 1975, Saigón foi rebautizada como Ciudá Ho Chi Minh.

1. ↑ Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
2. ↑ Afirmao en: Gemeinsame Normdatei. Identificador GND: 11855168X. Data de consulta: 13 agostu 2015. Llingua de la obra o nome: alemán. Autor: Biblioteca Nacional d'Alemaña.
3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
4. ↑ Afirmao en: Gran Enciclopedia Soviética (1969–1978). Editorial: Большая Российская энциклопедия. Llingua de la obra o nome: rusu. Data d'espublización: 1969.
5. ↑ Afirmao en: catálogu de la Biblioteca Nacional Checa. Identificador NKCR AUT: jn19981001463. Data de consulta: 30 agostu 2020.
6. ↑ Afirmao en: Wikipedia en vietnamita. Llingua de la obra o nome: vietnamín.