Nació en Agen, fíu del eruditu italianuJulius Caesar Scaliger (presuntu descendiente de la familia La Escala) y Andiette de Lobejac Roques. Cuando tenía doce años, foi unviáu con dos hermanos menores al Colexu de Guienne en Burdeos, que s'atopaba entós so la direición de Jean Gelida. Un biltu de la peste bubónica en 1555 obligó a los neños a tornar a los sos llares, y mientres los siguientes años, Joseph foi compañeru y amanuense del so padre.
La composición de versos llatinos foi'l principal entretenimientu del so padre Julius nos sos últimos años, y que dictaba a diariu al so fíu ente ochenta y un centenar de llinies, y dacuando inclusive más. Joseph tamién yera instruyíu acaldía pa escribir en llatín o declamar, anque n'otros aspeutos paez que foi dexáu a la so propia suerte. Aprendió del so padre a ser, non yá un eruditu, sinón tamién un agudu observador, críticu y analista de la hestoria.
↑Afirmao en: Gemeinsame Normdatei. Data de consulta: 13 avientu 2014. Llingua de la obra o nome: alemán. Autor: Biblioteca Nacional d'Alemaña.