Back Reciclache AN تدوير النفايات Arabic Utilizasiya Azerbaijani Ҡалдыҡтарҙы эшкәртеү Bashkir Recycling BAR Рециклиране Bulgarian Adaoz Breton Reciclatge Catalan دووبارە بەکارھێنانەوە CKB Recyklace Czech
El reciclaxe ye un procesu que'l so oxetivu ye convertir desecho en nuevos productos o en materia pal so posterior usu.
Gracies al reciclaxe previense'l desusu de materiales potencialmente útiles, amenórgase'l consumu de nueva materia primo, amás d'amenorgar l'usu d'enerxía, la contaminación del aire (al traviés de la incineración) y de l'agua (al traviés de los vertideros), según tamién menguar les emisiones de gases d'efeutu ivernaderu en comparanza cola producción de plásticos.
El reciclaxe ye un componente clave nel amenorgamientu de refugayes contemporánees y ye'l tercer componente de les 3R («Amenorgar, Reciclar y Reutilizar»).
Los materiales reciclables son munchos, ya inclúin tol papel y cartón, el vidriu, los metales ferrosos y non ferrosos, dellos plásticos, teles y testiles, maderes y componentes electrónicos. N'otros casos nun ye posible llevar a cabu un reciclaxe por cuenta de la dificultá téunica o altu costu del procesu, de cuenta que suel reutilizase'l material o los productos pa producir otros materiales y destínense a otres finalidaes, como l'aprovechamientu enerxéticu.
Tamién ye posible realizar un salvamentu de componentes de ciertos productos complexos, yá sía pol so valor intrínsecu o pola so naturaleza peligrosa.