Back Segmento C AN Segment C Catalan C-segment English Segmento C Spanish C segmentu Basque سگمنت سی Persian C-segmentti Finnish Segmento C Galician Segmen C ID Cセグメント Japanese
El segmentu C ye un segmentu d'automóviles que s'alluga ente los segmentos B y D. Xeneralmente tienen espaciu pa cinco adultos, y pa dos neños más nel casu de monovolúmenes de siete places.
Nos años 1980, a esti segmentu denominábase-y dacuando "cuatro metros", una y bones los modelos solíen tener esi llargor. Anguaño, estos vehículos miden aproximao 4,3 m de llongura en carrocería hatchback (5 puertes) o monovolume de cinco places y 4,5 m nel casu de carroceríes sedán, familiar, touterrén o monovolume de siete places.
Anguaño, los modelos estándar suelen tener motores de cuatro cilindros d'ente 1,4 y 2 llitros de cilindrada y potencies ente los 70 kW (90 CV) y los 105 kW (140 CV) por permediu. Los más deportivos pueden algamar los 3,2 llitros de cilindrada, en dellos casos tienen cinco cilindros en llinia o seis cilindros en "V" y pueden desenvolver potencies máximes hasta aproximao 240 kW (320 CV).
Dientro del segmentu C, hai dellos subsegmentos que correspuenden a los distintos tipos de carrocería. Un automóvil de turismu del segmentu C denómase "compactu grande"; un monovolume ye un "monovolume medianu", y un touterrén denómase "touterrén compactu".