Tenor

Llámase tenor al cantante que la so tesitura ta asitiada ente la del contratenor y la del barítonu. El so estensión o amplitú vocal suel dir dende'l do₃ hasta'l la₄, en cantar coral, y hasta'l do₅, el "do" de pechu, en solos. Dellos tenores pueden algamar estremos baxos como si₂ o altos como fa₅.^[1]

La pallabra tenor deriva del llatín tenere (sofitar), por cuenta de qu'en la música eclesiástica del Renacimientu'l tenor sofitaba notes curties y a cada sílaba del testu faía-y corresponder una sola nota, ente qu'otres voces cantaben con un estilu melismático.

1. ↑ McKinney, James (1994). The Diagnosis and Correction of Vocal Faults. Genovex Music Group. ISBN 978-1565939400.