Back طيران مدني Arabic Hava nəqliyyatı Azerbaijani Паветраны транспарт Byelorussian Гражданска авиация Bulgarian Civilna avijacija BS Civilní letectví Czech Zivile Luftfahrt German Πολιτική αεροπορία Greek Civil aviation English Transporte aéreo Spanish
| Tresporte aereu | |
|---|---|
| actividá | |
| Tresporte | |
 |
El tresporte aereu o tresporte per avión ye'l serviciu de treslladar d'un llugar a otru, pasaxeros o cargamentu, por aciu l'usu d'aeronaves.
Esta manera de tresporte, en principiu, pensóse y desenvolvió namái pa pasaxeros; sicasí, gracies al usu de contenedores aéreos y al diseñu de nuevos aviones destinaos a carga, el volume de mercancíes tresportáu per esti mediu amóntase añu tres d'añu. Los adelantos de la navegación aérea, de les telecomunicaciones y de les facilidaes electróniques dexaron que l'aviación progresara de forma estelante.
El tresporte aereu ye la modalidá de tresporte más regulada nel globu terrestre. Arriendes de la II Guerra Mundial, la mayoría de los países del mundu suscribieron el Conveniu de Chicago en 1944 onde se sentaron les bases de les regulaciones del tresporte aereu.
Al desenvolvese nel mediu aereu, gocia de la ventaya de la continuidá d'ésti, que s'estiende sobre tierra y mar, pero ta llindáu pola necesidá de costoses infraestructures y un mayor costu económicu que'l restu de los medios de tresporte.