Xenocidiu

El xenocidiu ye un delitu internacional qu'entiende «cualesquier de los actos perpetaos col enfotu de destruyir, total o parcialmente, a un grupu nacional, étnicu, racial o relixosu como tal». Estos actos entienden la matanza y mancadura grave a la integridá física o mental de los miembros del grupu, sometimientu intencional del grupu a condiciones d'esistencia qu'hayan d'acarretar la so destrucción física, total o parcial, midíes destinaes a torgar nacencies nel senu del grupu, treslláu pola fuercia de neños del grupu a otru grupu».^[1][2]

El términu foi acuñáu y definíu per primer vegada pol xurista xudeo-polacu Raphael Lemkin, qu'en 1939 fuxera de la persecución nazi y atopao asilu n'Estaos Xuníos. Nel so llibru El poder de la Exa na Europa ocupada publicáu en 1944 definió asina'l xenocidiu:^[3]

La puesta en práutica d'aiciones coordinaes que tienden a la destrucción de los elementos decisivos de la vida de los grupos nacionales, cola cuenta del so aniquilamientu.

Según el sociólogu ya historiador d'Estaos Xuníos Michael Mann, el xenocidiu ye'l grau más estremu de violencia intergrupal y el más estremu de tolos actos de llimpieza étnica.^[4] Pa esti autor l'impautu de los xenocidios mientres el sieglu XX ye devastador, tantu pol númberu de víctimes, que cifra en más de 70 millones de persones, como na estrema crueldá de les agresiones.^[5]

1. ↑ Error de cita: La etiqueta <ref> nun ye válida; nun se conseñó testu pa les referencies nomaes GenocidioCPI
2. ↑ Error de cita: La etiqueta <ref> nun ye válida; nun se conseñó testu pa les referencies nomaes Xenocidiu1948
3. ↑ Antonio Elorza (14 de febreru de 2014). Rafael Lemkin. El País. https://elpais.com/elpais/2014/01/31/opinion/1391180582_409135.html. 
4. ↑ "La barbarie analizada (Michael Mann, El llau escuru de la democracia. Un estudiu sobre la llimpieza étnica)", por G. Mayos.
5. ↑ Joan Frigolé Reixach, Cultura y xenocidiu, UAB