Back Aleksandr Solzhenitsyn Afrikaans Alexander Issajewitsch Solschenizyn ALS አሌክሳንድር ሶልዠኒጽን Amharic Aleksandr Solzhenitsyn AN ألكسندر سولجنيتسين Arabic الكسندر سولجنتسين ARZ Aleksandr Solzhenitsyn AST Aleksandr Soljenitsın Azerbaijani آلکساندر سولژنیتسین AZB Солженицын Александр Исаевич Bashkir

Aleksandr Soljenitsin

Aleksandr Soljenitsin
1918-2008
Rossiavaf suterotik

Aleksandr Soljenitsin ( rossiavon Александр Исаевич Солженицын ) tir sovietaf az rossiaf suterotik isu solsiik.

Kobliyis titi doevafa Soviet vertuma, bak Toleafa Tamavageja tir fayik voxe nope malyopara va Stalin zo soper aze zo kostoler.

Tunuyayan arti 8-da, va yona nega pwadesa va blira koe Gulag stoles bolk toz sanegar lize celemoy ayik zo stoled.

Suterotany : Vielcek ke Ivan Denisovitc ( 1961 ), Vetesikxe ( 1967 ), Keraf Krafol ( 1971 ), Gulag tursia ( 1973 )

Nobel Suterotafo Poradro ( 1970 ).


« Viele tizuca va diliodafa blira ke ayik kofir, pune inafa gexata krumton teykar, ina va benden nilt ebledjon ploter ise iegar : « Tĺ TIZUCA ! Mangic, mangipic oke va win selú ‼» Voxen tizuca kalion tuguazawer, tori ware abica tanda nume va frenduca drasutur, nume dunutuson is motanyatason, va vangluyara ke rotuxara dun gonokaaneyar. Kire tizuca kadim ant rotuxara va int robravar isen rotuxara kan ant tizuca va int rodunur. Voxisen tizuca va intafa gamiafa inia ben kot viel isu epita me aykar : va minafa vegera va rotuxara is minafa vieleafa webera va rotuxara anton diner, isen batcoba tir antaca kena bas inaf ronkaf detikeem. Voxen tselka ta minafa tunuyara liwe batlize tigir, i bata tselka minon iskedana nek opelapafa is vansapana : VEWARA VA ILKAFA WEBERA VA ROTUXARA ! Xabe kore rotuxara va kotcoba besar ise va kotcoba kalfelir, voxen luxe icle mil uum tickit durulaf : rotuxara GAN JIN me felir ‼»

— Artowara is Rotuxara, krent suteyen gan Aleksandr Soljenitsin ba 12/02/1974 ba inafa sopera.

Developed by StudentB