DECT

DECT (ing. Digital Enhanced Cordless Telecommunications, azərb. Rəqəmsal təkmilləşdirilmiş simsiz telekommunikasiya‎) — əsasən simsiz telefon sistemlərinin yaradılması üçün istifadə edilən standart. O, Avropada yaranıb və 900 MHz CT1 və CT2 kimi əvvəlki simsiz telefon standartlarını əvəz edərək ümumi standart olub.^[1]

Təkçə Avropada deyil, Avstraliya, Asiya və Cənubi Amerikanın əksər ölkələrində də bu standart qəbul edilib. ABŞ-nin radiotezlik qaydalarına görə Şimali Amerika bu standartı qəbul edə bilmədi. Nəticədə DECT 6.0 adlı bir az fərqli tezlik diapazonundan istifadə edən DECT variasiyası inkişaf etdirilib. Bu, sözügedən qurğuları hətta eyni istehsalçıdan başqa sahələrdə istifadə üçün nəzərdə tutulmuş sistemlərlə uyğunsuz hala salır. DECT, Şimali Amerika xaricində istifadə edildiyi əksər ölkələrdə digər standartları demək olar ki, tamamilə əvəz etdi.

DECT standartına əksər istehsalçıların tətbiq etdiyi sadə telefon imkanları üçün ümumi qarşılıqlı fəaliyyət profili olan "generic access profile" (GAP) daxildir. GAP uyğunluğu müxtəlif istehsalçıların DECT telefonları və bazalarına ən sadə funksional səviyyədə, yəni zəng etmək və qəbul etməkdə qarşılıqlı fəaliyyət göstərməyə imkan verir. Yaponiya özünün DECT forumu tərəfindən dəstəklənən J-DECT variantından istifadə edir.^[2]

DECT Forumu tərəfindən CAT-iq kimi bazara çıxarılan "New Generation DECT" (NG-DECT) standartı telefonlar və baza stansiyaları üçün ümumi inkişaf etmiş imkanlar dəstini təmin edir. CAT-iq IP-DECT baza stansiyaları və müxtəlif istehsalçıların telefonları arasında dəyişdirilmə seçimini, eyni zamanda GAP avadanlığı ilə geriyə uyğunluğu təmin edir. Bu, həmçinin genişzolaqlı audio üçün məcburi dəstək tələb edir.

NR+ ("New Radio plus") kimi bazara çıxarılan "DECT-2020 New Radio" ultra etibarlı aşağı gecikmə və kütləvi maşın tipli rabitə üçün ITU-R IMT-2020 tələblərinə cavab verən 5G məlumat ötürmə protokoludur. Bu, əvvəlki DECT cihazları ilə birlikdə mövcud ola bilir.^[3][4][5]

1. ↑ "DECT Information". 2.rohde-schwarz.com. 1 November 2012 tarixində orijinalından arxivləşdirilib. İstifadə tarixi: 2 January 2018. (#redundant_parameters); (#redundant_parameters)
2. ↑ "DECT Forum". 2021-02-10 tarixində arxivləşdirilib. İstifadə tarixi: 2023-09-21. (#redundant_parameters); (#redundant_parameters); (#redundant_parameters)
3. ↑ World’s first non-cellular 5G technology, ETSI DECT-2020, gets ITU-R approval, setting example of new era connectivity Arxivləşdirilib 2023-04-25 at the Wayback Machine. ETSI, 19 October 2021
4. ↑ ETSI TR 103 810 V1.1.1 (2021–11). Final Evaluation Report on DECT-2020 NR. Arxivləşdirilib 2023-04-21 at the Wayback Machine ETSI, 23 November 2021.
5. ↑ "ITU-R Approves DECT-2020 as New 5G Technology Standard. DECT Forum will be Promoting the Standard under the Name NR+" (PDF). DECT Forum. 2022-02-24. 2022-02-24 tarixində arxivləşdirilib (PDF). İstifadə tarixi: 2023-09-21. (#redundant_parameters); (#redundant_parameters); (#redundant_parameters)