Back Ҳитлер, Адольф Алоис-иԥа Abkhazian Adolf Hitler Afrikaans Adolf Hitler ALS አዶልፍ ሂትለር Amharic Adolf Hitler AN Æðelwulf Hitler ANG ऐडॉल्फ़ हिटलर ANP أدولف هتلر Arabic ܐܕܘܠܦ ܗܝܛܠܪ ARC أضولف هيطلر ARY
Adolf Hitler inggih punika silih tunggil politisi Jérman tur pamimpin Partai Nazi (Nationalsozialistische Deutsche Arbeoterpartei/NSDAP). Ida embas ring Braunau am Inn, Austria-Hongaria, tanggal 20 April 1889, tur séda ring Bérlin, Jerman, tanggal 30 April 1945, ri tatkala mayusa 56 warsa. Ida dados Kanselir Jerman mawit saking warsa 1933 ngantos 1945, tur dados diktator Jerman Nazi (ida mapuspata Fuehrer und Reichskanzler) mawit saking warsa 1934 ngantos warsa 1945. Ida manados jadma Jagat pinih utami ring Jerman Nazi, Yuda Jagat II ring Éropa, miwah Holokaus. Hitler punika véteran Yuda Jagat I sané madué akéh puspita.
Ida sareng ring Partai Pekerja Jerman ring warsa 1919, tur dados pamimpin NSDAP ring warsa 1921. Ring warsa 1923, ida ngalaksanayang kudéta ring München, sané ketah kawastanin Peristiwa Beer Hall Putsch. Kudéta punika nénten berhasil tur Hitler katangkep. Ring penjara Ida nyuratang memoarnyané sané mamurda Méin Kampf ("siyat tiangé"). Sasampun medal saking penjara ring warsa 1924, ida ngamolihang dukungan saking krama sané nulak Perjanjian Versailles tur ngukuhang Pan-Jermanisme, antisémitisme, miwah anti-komunisme saking pidartanyané miwah propaganda Nazi.
Sasampun katunjuk dados kanselir ring warsa 1933, ida ngawuwah Républik Weimar dados Reich Ketiga, silih tunggil kediktatoran partai sané madasar antuk idéologi Nazisme. Manut ring Nazisme punika, anak Jerman sareng anak saking Éropa kalér kasengguh pinaka "Arya", inggihnyané ras sasiwyan. Jadma saking negari tiosan katunayang, utamannyané anak Yahudi, anak Slav, homoséksual, miwah anak Roma. Ida mamerintahang mangda Jerman madué senjata malih tur Wehrmacht nginvasi Polandia ring bulan Septémber 1939, nika sané mawinang wénten ̪Perang Dunia II ring Éropa. Ring tanggal 30 April 1945 ida sareng Éva Braun, gegelan idané nyedayang padéwékannyané mangda nénten katangkep. Kebijakan sané kalaksanayang olih Hitler punika mawinan kirang langkung 50 yuta jadma padem ring Perang Dunia II, rumasuk 6 yuta kaum Yahudi miwah 5 yuta soroh "non-Arya" (Roma, homoséksual, Slav dll) sané kapademang mawinan idéologi rasis Nazi sané nyengguh jadma-jadma punika pinaka jadma kirang maaji.[1]