Kota Malelintihan ring Selat Malaka

Melaka miwah George Town, Kota Malelintihan ring Selat Malaka

Situs Tetamian Jagat UNESCO
Genah	Malaysia
Rumasuk	Kota Malelintihan Melaka Kota Malelintihan George Town
Kritéria	Budaya: (ii)(iii)(iv)
Pustaka	1223bis
Prasasti	2008 (sési ka-32)
Extensions	2011
Jimbar	218.76 ha (540.6 ékar)
Wawengkon panyangga	392.84 ha (970.7 ékar)

Melaka miwah George Town, Kota Malelintihan ring Selat Malaka inggih punika Situs Tetamian Jagat UNESCO^[1] madaging pusat kota malelintihan ring kalih kota, Melaka lan George Town, sané ngambarang 500 warsa pasiluran budaya miwah paadolan riantara jagat Kangin lan Kauh.

Situs Tetamian Jagat puniki ngambarang paumahan pakotaan maritim sané ngelimbak ring wawengkon puniki saking masa ka masa miwah pituut sané akéh saking sekaa étnis lan budaya ring pangelimbakan kota-kota punika. Gedung-gedung pameréntah, gréja, alun-alun lan bénténg Melaka ngenahang indik pemahbah lelintihan sané maasal saking Kasultanan Melayu abad ka-15, sané kasarengin olih aab kakuasaan Portugis lan Belanda sané kakawitin ring pamahbah abad ka-16. George Town ngawakilin aab Inggris saking ungkur abad ka-18 lan ngenahang wangunan paumahan saha komérsial ring aab punika. Ring makakalih kota punika, pituut budaya lan arsitéktur saking Melayu taler wargi tamiu Cina lan Asia Kelod prasida kacingak, sapunika pegentosan ipun ngeraga prasida kalacak saking masa ka masa.

Melaka kasurat ring lis nganggén wacénan parinama Basa Melayu, masiosan sareng wacénan parinama ring Basa Inggris sané langkung tradisional, "Malacca".

1. ↑ "Melaka and George Town, Historic Cities of the Straits of Malacca". UNESCO. Kaaksés 8 August 2015.