Logam transisi

Logam transisi inggih punika sekaa datu kimia sané magenah ring golongan 3 ngantos 12 (IB ngantos VIIIB ring sistem sadurungné). Sekaa puniki terdiri 38 datu (3 datu durung kapastika). Makasami logam transisi inggih punika datu blok-d sané maartos pinaka éléktron ipun madaging ngantos orbit d. Ring ilmu kimia, logam transisi madué kalih pangartosan:

• Pangartosan mawit IUPAC^[1] indik logam transisi inggih punika "satunggil datu sané madué subkulit d sané nénten madaging jangkep utawi prasida ngawentuk kation sareng subkulit d sané nénten madaging jangkep"
• Makéhan ilmuwan ngartosan "logam transisi" punika makasami datu sané magenah ring blok-d tabél périodik (makasami marupa logam) sané ngarajing golongan 3 ngantos 12 rinh tabél périodik. Rung sujatiné, barisan blok-f lanthanida miwah aktinida taler ketah kanikayang dados logam transisi miwah kaadanin "logam transisi jero".

Jensen^[2] nilikang ulang asal usul parinama "logam transisi" utawi blok-d. Kruna transisi kapertama kaanggén antuk ngapidartayang datu-datu sané mangkin kaloktah dados datu blok-d olih kimiawan asal Inggris maparinama Charles Bury ring warsa 1921, sané nganggitin majeng paalihan/transisi majeng pagentosan subkulit éléktron (contoné ring n=3 ring baris ka-4 tabél périodik) saking subkulit antuk 8 ka 18, utawi 18 ka 32.^[3]

1. ↑ IUPAC, Compendium of Chemical Terminology, 2nd ed. (the "Gold Book") (1997). Online corrected version: (2006–) "transition element
2. ↑ Jensen, William B. (2003). "The Place of Zinc, Cadmium, and Mercury in the Periodic Table". Journal of Chemical Education 80 (8): 952–961. Bibcode:2003JChEd..80..952J. doi:10.1021/ed080p952.
3. ↑ Bury, C. R. (1921). "Langmuir's theory of the arrangement of electrons in atoms and molecules". J. Amer. Chem. Soc. 43 (7): 1602–1609. doi:10.1021/ja01440a023.