Adolf Hitler

Da Adolf Hitler (* 20. Aprü 1889 in Braunau am Inn, Östarreich; † 30. Aprü 1945 in Berlin durch Suizid) wor vo 1933 bis 1945 Diktator vom Deitschn Reich.

Ea is ab 1921 Parteichef vo da NSDAP, ab 1933 Reichskanzler und ab 1934 (nachm Doud vom Reichspresidenten Paul von Hindenburg) „Fiara und Reichskanzla“ (dt.: Führer und Reichskanzler) gwen.

Da Hitler is 1913 aus seim Hoamatland Östarreich vua da Eiberuaffung ins K&K Heer af Minga ausgwaundat. A Joar spada hod da Erschte Wejdkriag ogfangt und er hod si glei am Ofang freiwillig ois Soidot fia Deitschland gmejdt. Nochm Kriag hod a in da NSDAP Karriere gmocht. Am 8. Novemba 1923 hod a vasuacht, in Bayern z putschen. Da Hitler-Putsch is oba vo da boarischen Polizei niedagschlogn worn. Da Richter Georg Neithardt wor nacha recht muid bei da Vahandlung gegan Hitler und seine Leit. Da Hitler hod bloß de Mindesstrof fiar an Houchvarot (fimf Joar) kriagt und am End ned amoi a ganzs Joar obgsessn. In da Hoft z Landsberg am Lech hod a nacha "Mein Kampf" gschriem. Ab 1929/1930 hod de NSDAP imma mehra Wählastimma in Deitschland kriagt und 1933 is a nacha Reichskanzla worn. Untam Hitler ham de Nationalsozialisten im Deitschen Reich a Diktatur afbaut. Se ham de Oppositionsparteien vabotn und politische Gegna und Minderheitn wia de Judn vafoigt und umbrocht. Nacha homs in Zwoatn Wejdkriag ozettelt. Desweng san in Eiropa schätzungsweis 30–35 Milliona Leit ums Lem kema, do drunta alloa sechs Milliona Judn. Deitschland und Eiropa worn in weitn Tein zasteat.

Da Hitler hod si mid seina Oidn, da Eva Hitler, geb. Braun, am 30. Aprui 1945 in seim Bunka in Berlin sejba hoamdraad.