Back Гвинеиа Abkhazian Guinea ACE Guinee Afrikaans Guinea ALS ጊኔ Amharic Guinea AMI Guinea AN Guinea ANG Gini Kọnakiri ANN गीनिया ANP

Guinea

A Koatn vo Guinea.
D Regiona vo Guinea.
D Topografi vo Guinea.
A fisischa Koatn vo Guinea.

Guinea, amtle engl. Republic of Guinea, franz. République de Guinée, is a ammearnats Land z Westafrika; freja amol Franzejsisch Guinea ghoissn; es modeanna Land wiad aa Guinea-Conakry gnennt, zwengs en Untaschein vo da gleichnamatn Region u vo weitane Lenda, d wou "Guinea" in n Nama hom, wej Guinea-Bissau un Equatorialguinea.[1][2][3] Guinea houd a Bvelkaring vo umma 12.4 milliona Leitt un a Flechn vo 245,857 km².[4]

Da Stoot Guinea is a Repablik mid an Presidentn, iwa den wou d Leit direkt ostimma u da wou in oin Oun Stootsowahapt u Reḡiringsowahapt is. D oakammata Guinejischa Nazionalvasammling is a legislativa Keapa von n Land, ba den wou d Mitglida von Vulk direkt gwählt wean. Es judikativa Zweiḡal wiad von n Guinejischn Iawan Grichtshof (Guinea Supreme Court) gfejad, en am mejran hejchanan un ollafurtanan – oda ganzamendnatn – Brouffungsgrichtal von n Land.[5]

Guinea is a iwawejngt islamischs Land, i den wou d Muslimma umma 85 Prozent vo da Bvelkaring stelln.[1][6][7] Zen Vulk vo Guinea ghejan 24 Velkall oda ethnischa Gruppn. D Amtssproch Franzejsisch is d vuaherschada Sprouch i Asbilding, Vawaltung, Medjen un alln Iawarischn; danem git s mejra wej 24 eihoimischa Sprochna, wou se ned aso stootle finanzian.

D Wiatschaft vo Guinea is schwar dominiad vo Landwiatschaft u Beaḡbau.[8] Es houd de zwoatgrejsstn Firdamenga von n Bauxit u reicha Viakumma vo Eḏlstoĩ u Guld.[9] Es Land is a Zentrum von n Ebola-Asbruch vo 2014 gwe. D Menschnrecht z Guinea san ollawal a bstrittns, bejḡads un oiamochads Thema; 2011 houd d Reḡiring vo d Vaoinigte Stootn afgwoaffn, dass Guinea mid Fulta duach d Sichahaitskreft u Mishandlinga d Menschnrecht in oina Tua brechad.[10]

  1. ↑ 1,0 1,1 "Guinea-Conakry Information", "Archiviad" en 5 Fewa 2009, afgrouffn en 11 Fewa 2009.
  2. ↑ "The Anglican Diocese of Ghana". Netministries.org. Archiviad en 7. Jenna 2009.
  3. ↑ CFI "Guinea Conakry", archiviad, en 11. Mai 2011.
  4. ↑ "Nations Online: Guinea – Republic of Guinea – West Africa" Nations Online, archiviad en 3. Mai 2003.
  5. ↑ Guinea's Supreme Court rejects election challenges. In: Reuters. Archiviert vom Original [1] am 24. Septemba 2015. Abgerufen am 13. Meaz 2021.
  6. ↑ Religion in Guinea.
  7. ↑ The Pan African Bank.
  8. ↑ Guinea Conakry: Major Imports, Exports, Industries & Business Opportunities in Guinea Conakry, Africa. Archiviert vom Original [2] am 5. Novemba 2010. Abgerufen am 13. Meaz 2021.
  9. ↑ Guinea Conakry Support – Guinee Conakry Trade and Support. (GCTS).
  10. ↑ Country Reports on Human Rights Practices for 2011: Guinea.

Developed by StudentB