Lateinamerika

Lateinamerika (spanisch : América Latina bzw. : Latinoamérica, portugiesisch : América Latina, franzesisch : Amérique latine) is a politisch-kuituareja Begriff, dea wos de spanisch- und portugiesischsproching Lända vo Amerika vo de englischsproching Lända vo Amerika ogrenzn soid.^[1] Da Tei: Latein- beziagd se af's Lateinische ois an Uasprung vo da romanischn Sproch. A da heiting Definizion van Begriff wea za Lateinamerika grod de Lända zejd, a dene: as Spanische, as Franzesische oda as Portugiesische voaherrschd. Dozua ghean de Lända vo: Sidamerika (ohne Guyana und Suriname), Mexiko, Zentroiamerika (ohne Belize) und de spanischsproching Gebiete in da Karibik. De Lända vo Lateinamerika hom zamm a Fläch vo eba 20 Milliona km², und de Bevejkarung liegd ba eba 500 Milliona Leit. In de lezdn Joar is d Oamut in Lateinamerika so gring wia seit 20 Joar scho nimma^[2], de Middlschicht is uma 50 Prozent vo 103 Milliona (2003) af 152 Milliona (2009) ogwoxn.