Muichstrossn

De Muichstrossn, aa Galaxis (dt.: Milchstraße), is de Steaninsl im Wejdraum (Galaxie), wo de Hoamat vom Sunsystem is. Des System vo Stea is vom Typ a sognennte Boiknspiralgalaxie. Es is oana vo Muilliardn vo Galaxien im beobochtborn Universum.

Da Nom is a Iwasetzung ausm Lateinischn Via Lactea, wos seinaseits a Iwasetzung vom Griachischn Γαλαξίας (Galaxias) is. Uaspringlich wor damit nua des Lichtband am Nochthimme gmoant, wos de Himmeskugl kroasfeamig umsponnt. Um davo z untascheidn wead unsar Galaxie oft Muichstrossn-System gnennt.