Back দেৱীমাহাত্ম্যম্ Assamese दुर्गा सप्तशती AWA दुर्गा सप्तशती Bihari দেবীমাহাত্ম্যম্ Bengali/Bangla Dévímáhátmja Czech Devi Mahatmya German Devi Mahatmya English Devi Mahatmya French देवीमाहात्म्य Hindi Devi Mahatmya Croatian

Devi Mahatmya

An ika-17ng siglong manuskritong Devimahatmya na nakasurat sa iskriturang Newari na hale sa Nepal.

An Devi Mahatmya o Devi Mahatmyam (Sanskrito: देवीमाहात्म्यम्, romanisado: devīmāhātmyam, lit.' Kamurawayan kan mga Diosa' ) iyo an Hindu pilosopikal na teksto na naglaladawan sa mga diosa na si Durga/Adishakti bilang an supremong poder asin kaglalang kan uniberso.[1][2] Kabtang ini kan Markandeya Purana.[3][4][5]

An Devi Mahatmyam midbid man sa apod na Durgā Saptashatī (दुर्गासप्तशती) o Śata Chandī (शत् चण्डी). An teksto igwa nin 700 na bersikulo na iinareglo sa 13 kapitulo. Kaiba kan Devi-Bhavata Purana asin Shakta Upanishads arog kan Devi Upanishad, iyan saro sa pinakaimportanteng teksto nin Shaktismo (diosa) sa laog kan Hinduismo.[6]

An Devi Mahatmyam ilinadawan an usipon dapit sa ralaban sa pag-oltanan nin kamarayan asin karatan, kun saen an Devi nagpapahiling bilang sarong diosang si Durga na naggiya sa mga pwersa nin kamarayan tumang sa demonyong si Mahishasura—anggoton an kamarayan asin iyan mayo nin hirak, asin nanggana an pwersa nin kamarayan.[7][8][9] Sa kapanahunan nin katoninongan, isinasaysay kan teksto, an Devi nagpapahiling bilang si Lakshmi, empowering an paglalang asin an kaogmahan. An mga bersikulo kan usipon na ini sinusumaryo an pilosopikal na pundasyon kun saen an ultimadong realidad (Brahman sa Hinduismo) pwede man na magin sarong babae. Saro an teksto sa mga amay na nag-eeksister na kompletong mga manuskrito gikan sa tradisyon na Hindu na kun saen naglaladawan kan reberensya asin pagsamba sa babaeng aspekto kan Dios. Parating an ranggo kan Devi Mahatmyam sa ibang tradisyon na Hindu bilang kasing-importansya kan Bhagavad Gita.

Nagin bantog an Devi Mahatmyam sa sirangan na estado kan Indya, siring kan West Bengal, Bihar, Odisha asin Assam, iyo man sa Goa [10] asin Nepal.[11] Isinasagibo ini durante kan selebrasyon na Navrati, an kapiyestahan kan Durga Puja, asin sa mga templong Durga sa bilog na Indya.[12][13]

An Tulunadu, manonompongan sa Baybayon na Karnataka asin nagkukua nin inspirasyon gikan sa Devi Mahatmyam para sa nagkapirang teatro sa porma kan Yakshagana na kinokondusir sa bilog na taon sa haros gabos na templong Shakti tanganing iladawan an mamuraway na kapangyarihan kan Devi sa mga tawo sa gabos na kapag-arakian poon pa kan nagkapirang siglo.[14]

  1. ↑ June McDaniel 2004, pp. 215-216.
  2. ↑ David Kinsley 1988, pp. 101-102.
  3. ↑ Cheever Mackenzie Brown 1998, p. 77 note 28.
  4. ↑ Coburn 1991, pp. 13.
  5. ↑ Coburn 2002, p. 1.
  6. ↑ Constance Jones; James Ryan (2014). Encyclopedia of Hinduism. Infobase Publishing. p. 399. ISBN 978-0816054589. 
  7. ↑ Rocher 1986, pp. 191-192.
  8. ↑ Tracy Pintchman 2014, p. 20.
  9. ↑ June McDaniel 2004, pp. 215-216, 219-220.
  10. ↑ Kerkar, Rajendra. "Navratri celebrated in honour of Goddess Durga". Times of India. 
  11. ↑ Dutt 1896, p. 4.
  12. ↑ Dalal 2014, p. 118.
  13. ↑ David Kinsley 1997, pp. 30-35.
  14. ↑ Archived at Ghostarchive and the Wayback Machine: "Sri Devi Mahatme - Jeppu Majila, Mangaluru ( PART 1 ) Yakshagana Bayalata". YouTube. 

Developed by StudentB