Back Elektroniese ingenieurswese Afrikaans Elektrotechnik ALS ኤሌክትሪክ ምህንድስና Amharic هندسة الكهرباء Arabic বৈদ্যুতিক অভিযান্ত্ৰিকী Assamese Inxeniería llétrica AST Elektrik mühəndisliyi Azerbaijani Электротехника Bashkir Elektrotechnik BAR Электратэхніка Byelorussian
An inhinyeriyang elektrikal (Ingles: electrical engineering) iyo an inhenyeriyang disiplina manungod sa pag-adal, disenyo asin aplikasyon kan kagamitan, mga device asin sistema na minagamit nin kuryente, elektronika, asin elektromagnestismo. Nagin ining sarong bistadong trabaho sa patapos na kabangaan kan ika-19 na siglo pagkatapos kan komersyalisasyon kan elektrikong telegrapo, an telepono, asin an pagmokna nin kuryente, distribusyon, sagkod kagamitan kaini.
An Inhinyeriyang Elektrikal iyo sa ngunyan nababanga sa mahiwas na rango nin mga lado, kaiba na an inhenyeriyang pangkompyuter, inhenyeriyang pangsistema, inhenyeriyang pangkusog, telekomunikasyon, inhenyeriyang pangradyo-prekwensiya, pagproseso nin senyales, instrumentasyon, elektronika, asin optiks sagkod potonika. An pira sa mga disiplinang ini iyo may pagsabat sa iba pang mga sanga kan inhenyeriya, na minasakop sa dakulang bilang nin ispelisasyon kabali na an hardware engineering, elektrinikong pangkusog, elektromagnetiko asin waves, microwave engineering, nanoteknolohiya, elektrokimika, enerhiyang nababago-liwat, mekatroniko, asin siyensyang elektrikal-materyales.
Ang mga Inhinyerong Elektrikal iyo tipikal na may degri sa inhenyeriyang elektrikal o inhenyeriyang elektronika. An mga obrerong inhinyero iyo pwedeng may propesyonal na sertipikasyon asin magin kaapil nin sarong propesyonal na lawas o internasyunal na istandardong organisasyon. Kabali digdi an International Electrotechnical Commission (IEC), an Institute of Electrical and Electronics Engineers (IEEE) asin an Institution of Engineering and Technology (IET) (nagligad na IEE).
An mga Inhinyerong Elektrikal iyo nagtatrabaho sa mahiwasong maray na rango nin mga industriya sagkod an kakayahan na kinakaipo iyo pabarabago. An rango iyo poon sa teoryang sirkito hasta sa kakayahan sa pangmanehar nin sarong project manager. An mga kagamitan na kinakaipo kan indibidwal na inhenyero iyo parehas na pabarabago, poon sa simpleng boltometro hasta sa sopistikadong disenyo sagkod software na pangmanupaktura.