New Jersey

An New Jersey sarong estado kan Estados Unidos.

An New Jersey sarong estado sa Tangang Atlantiko asin yaon namumugtak man sa Norte-subangan na mga rona' kan Estados Unidos. Ini napapagdolonan sa amnayan asin subangan kan estado nin Nweba York; sa sirangan, sud-sirangan, asin habagatan kan Dagat Atlantiko; sa sulnopan kan Salog Delaware asin Pennsylvania; dangan sa bandang sud-subangan kan Sula' nin Delaware asin kan estadong Delaware. Sa hiwas na 7,354 square miles (19,050 km²), an New Jersey iyo an ikalimang-pinakasadit, na estado na may populasyon naabot 9,267.130 milyon na residente,^[1]ini an ika-11-pinakamatawo asin an pinakadusok. An kabesera kan New Jersey iyo an Trenton, manta an pinakamatawong siyudad iyo an Newark. Maliban sa Warren County,^[2] gabos na counties kan estado yaon sa kombinado hiwas statistikal kan New York o Philadelphia; kaya an pinakadakulang metropolitan na kahiwasan kan estado nahuhulog sa laog kan Greater New York.

1. ↑ [1]New Jersey Population Census 2021. Kinua 2-21-22.
2. ↑ "QCEW County-MSA-CSA Crosswalk". U.S. Bureau of Labor Statistics. Archived from the original on March 22, 2021. Retrieved March 3, 2021.  Unknown parameter |url-status= ignored (help)