Samaveda

An Samaveda sarong manuskritong Hindu sa tataramon na Vedic Sanskrit. An manuskritong Samaveda nag-eeksister sa kadakol na iskriturang Indic. Itaas: Devanagari, Ibaba: Grantha.

An Samaveda (Sanskrito: सामवेद, romanisado: sāmaveda, hale sa sāman "kanta" asin veda "kaaraman"), iyo an Veda nin mga melodiya asin chants.^[1] Iyan sarong suanoy na tekstong Vedic Sanskrit, asin kabtang kan mga iskriturang Hinduismo. Inaapod man ini na Sama Veda.^[2] Bilang saro sa apat na Veda, iyan sarong liturhikal na teksto na kompwesto nin 1,875 bersikulo. Pero 75 bersikulo sana an kinua sa Rigveda.^[3] Tulong resensyon kan Samaveda an nakaligtas, asin nakua na an mga manuskrito kan Veda sa manlain - lain na parte kan India.^[4]

Mantang an pinakaenot na mga parte kaini tinutubod na nagpoon pa kan panahon nin Rigvedic, an nag- eeksister na mga petsa gikan sa post-Rigvedic Mantra kan Vedic Sanskrit, sa pag'oltan kan c. 1200 asin 1000 BCE o "medyo ara-atyan sana," halos kontemporaryong kaibahan kan Atharvaveda asin kan Yajurveda.^[5][6]

Nakapalaog sa laog kan Samaveda an may mahiwas na inadalan na Chandogya Upanishad asin Kena Upanishad, konsideradong primaryang Upanishads asin bilang impluwensya sa anom na eskwelahan kan pilosopiyang Hindu, partikularmente sa eskwelahan nin mga Vedanta. An Samaveda nagpatindog nin mga importanteng pundasyon para sa nagsurunod na musikang Indyano.

1. ↑ Frits Staal (2009), Discovering the Vedas: Origins, Mantras, Rituals, Insights, Penguin, ISBN 978-0143099864, pages 107-112
2. ↑ John Stevenson, Translation of the Sanhita of the Sama Veda, p. PR12, at Google Books, page XII
3. ↑ Michael Witzel (1997), "The Development of the Vedic Canon and its Schools : The Social and Political Milieu" in Inside the Texts, Beyond the Texts: New Approaches to the Study of the Vedas, Harvard University Press, pages = 269-270
4. ↑ Griffith, R. T. H. The Sāmaveda Saṃhitā, ISBN 978-1419125096, page vi
5. ↑ Witzel 2001, p. 6.
6. ↑ Dalal 2014, "The Rig Veda is considered later than the Rig Veda".