Kapal

Kapal (hurup Arab Gundul: کافل; basa Inggris: ship) ya'entu gandaran aèr nyang dipaké bakal ngangkut penumpang èn barang. Kapal entu biasanya gedé, kalo nyang kecil entu namanya perau. Enni gadaran béda ama kapal terbang lantaran kapal terbang entu kaga' liwat laut melèngken liwat udara.

Uda ratusan taon kapal dipaké ama orang-orang bakal pegi-pegian liwat kali atawa laot nyang dimulain dengen ketemunya perau. Deri perau-perau nyang kecil-kecil, orang-orang mingkinan gedé juga kebutuhannya. Jadinya, orang-orang bikin perau nyang gedéan, kebentuklah enni kapal. Bahan-bahan nyang dipaké bakal ngeja kapal entu lajimnya entu kayu, bambu, atawa besi. Awalnya kapal maké dayung bakal gerak, jadinya orang nyang ngdayung. Terusannya dipaké layar bakal kasih angin gerakin kapalnya. Ahirnya lantaran tèhnolohi nyang mutahir, orang pada paké mesin uap atawa mesin dèsel, èn nuklir juga. Ada juga kapal nyang bisa nyelem di laot, ya'entu kapal selem.