Back حقبة الديمقراطية الليبرالية في إندونيسيا Arabic Liberal democracy period in Indonesia English Démocratie libérale en Indonésie French Era Demokrasi Liberal (1950–1959) ID 인도네시아 자유민주주의 시대 Korean Либеральная демократия (Индонезия) Russian
Jaman Kera'yatan Liberal di Indonésia (Indonésia: Demokrasi Liberal), atawa bekèn juga' digero Jaman Kera'yatan Parlemèntèr, entu atu jaman dalem Indonésia punya sejarah pulitik, pas ni negara di bawah kukuan sistim kera'yatan liberal. Ni jaman punya lama, Indonésia ada ngadain pemilian pembikin wèt (lègislatip) pertama èn atu-atunya nyang ènggal lagi sucèng ampé tahon 1999, mar juga' ada keontèkan pulitik nyang pepes. Ni jaman muncuk 17 Agustus 1950 abisnya bubaran Negara Indonésia Serèkat, setahon belon jengkep atu itu abisnya pembikinannya, èn udahan dengen belakonnya darurat perang ama Persidèn Sukarna punya dekrit nyang entakanuh jadi Jaman Kera'yatan Keangon per 5 Juli 1959.
Ari bulan 17 Agustus tahon 1950, Kiblik Indonésia Serèkat (RIS), nyang ada jadi negara ngerikut Konperènsi Méja Bunder punya hasil ama Welanda punya pengakuan kedaulatan Indonésia, ada resmi bubaran. Sistim guwernemènnya juga' berobah jadi kera'yatan parlemèntèr berales Wèt Dasar Sementara tahon 1950.
Jaman kera'yatan liberal juga' ditengerin ama mingkin merontok ngebadegnya parté pulitik èn pembelakonan sistim guwernemèn parlemèntèr, cuman juga' jadi olèng lama ituh, nyang guwernemènnya pada aur-auran. Pemilihan pembikin wèt (lègislatip) tahon 1955 entu pemilihan umum nyang pertama nyang bèbas lagi adil dalem sejarah Indonésia, hata entu malah atu-atunya nyang bèbas ama adil di lat semprakan tu waktu ampé pemilihan pembikin wèt (lègislatip) 1999, nyang diadain pas bubarannya réjim Orde Baru.