Australia

Nagara Pasamakmuran Australia (Commonwealth of Australia) atawa dipinandui sabagai Australia haja adalah sabuah nagara di balahan bumi selatan nang jua manjadi ngaran benua paling halus di dunia. Wilayahnya mancakup samua benua Australia dan babarapa banua di sakitar Samudra Hindia Salatan dan Samudra Pasifik. Nagara tatangga Australia di sabalah utara tamasuk Indunisia, Timor Lesté, wan Papua Nugini. Di sabalah timur laut batatangga lawan banua Solomon, Vanuatu, dan Kaledonia hanyar (sacara administratif ampunnya Parancis), samantara di tunggara batatangga lawan Selandia Hanyar.

Australia, walaupun ta'andak di parak Asia, labih rancak disambat sabagai hagian matan dunia Barat karana kahidupannya nang mirip Eropa Barat dan Amirika Sarikat. Penduduknya pun sepalih ganal kulimbit putih.

Australia adalah nagara pangganalnya di Oseania wan nagara pangganalnya kaanam di dunia.^[1] Australia adalah banua bapanduduk paling tuha, paling rata,wan paling karing, lawan tanah nang paling kada subur. Australia adalah nagara megadiversitas, wan ukurannya nang luas sudah manjadi ruang gasan bamacam macam lanskap wan iklim, lawan gurun di kawasan pedalaman, hutan hujan tropis di timur laut, wan pagunungan di tenggara.

^[2]Leluhur Aborigin Australia mulai datang matan Asia Tenggara sakitar 65.000 tahun nang lalu, salawas zaman es tarakhir. Kira-kira 40,000 tahun sabalum panjajahan bangsa Eropa di akir abad ka-18, Australia sudah dihuni ulih urang Aborigin. Tiba malalui laut, buhannya manatap di banua ngitu wan sudah mambantuk sakitar 250 kalompok basa nang balain pas pamukiman Eropa, mampartahanakan babarapa tradisi seni wan agama nang paling lawas di dunia.

1. ^ "Australia's Size Compared". Geoscience Australia. 
2. ^ [The Story of Australia's People, Volume 1: The Rise and Fall of Ancient Australia. Penguin Books Australia Ltd., Vic. 2015. ISBN 9780670078714.