Back Cymdeithas yr Iaith ALS جمعية اللغة الويلزية Arabic Cymdeithas yr Iaith Catalan Cymdeithas yr Iaith Welsh Welsh Language Society English Cymdeithas yr Iaith Gymraeg Basque Cymdeithas yr Iaith Gymraeg Finnish Cymdeithas yr Iaith Gymraeg Frisian Cymdeithas yr Iaith Gymraeg Irish Cymdeithas yr Iaith Gymraeg Galician
Cymdeithas yr Iaith Gymraeg (kevredigezh ar c’hembraeg), pe Cymdeithas yr Iaith hepken, zo ur strollad tud a zifenn gwirioù yezh ar gembraegerien. Savet e voe e 1962, hag implijout a ra doareoù-ober habask. A-hed ar stourmadegoù aozet gant Cymdeithas yr Iaith ez eus bet harzet ha barnet war-dro 1000 den, abalamour m’o doa torret al lezenn. Degadoù anezho zo bet kondaonet d’an toull-bac’h. Frouezh ar stourmadegoù-se a weler gant al lezennoù zo bet votet diwar-benn statud ar c’hembraeg, ar panelloù kembraek pe divyezhek, ar chadenn skinwel S4C, savet e 1982.
Cymdeithas yr Iaith zo ur strollad na resev skoaziad ebet digant aozadurioù ofisiel ha ne vev nemet diwar skodennoù e izili. Daou zen zo implijet da labourat e burev kreiz ar gevredigezh en Aberystwyth.
Gant tud Cymdeithas yr Iaith Gymraeg ez eus bet pleustret meur a dachenn a-hed ar bloavezhioù : ar skolioù, ar media, ar strollegezhioù lec’hel, ar c’hompagnunezhioù kenwerzhel... Bremañ e c’houlennont ul lezenn nevez war statud ar c’hembraeg, da lakaat e-lec’h an hini a oa bet votet e 1993, hag a leze meur a dachenn a-gostez.