Back Dacia (Romeinse provinsie) Afrikaans Dacia (provincia romana) AN داتشيا الرومانية Arabic Dacia (provincia romana) AST Roma Dakiyası Azerbaijani Рымская Дакія Byelorussian Дакия (провинция) Bulgarian Dakija (rimska provincija) BS Dacia Traiana Czech Dacia Danish
Ur pennad Dakia zo ivez.Dacia a oa unan unan eus proviñsoù an Impalaeriezh roman en Eil hag en IIIe kantved. Edo mui-pe-vui el lec'h m'emañ Roumania. Dont a ra an anv Dacia eus hini ar bobl a veve eno anvet Daci gant ar Romaned ha Δάκαι Dákai gant ar C'hresianed.
En em astenn a rae proviñs Dacia war ul lodenn vras eus ar pezh zo Roumania bremañ ha tammoù eus Moldova, Bulgaria ha Serbia. En hanternoz d'ar broviñs e oa broioù na oant ket e dalc'h ar Romaned ; neuze e oa e-leizh a soudarded roman war an harzoù. Er c'hreisteiz dezhi e oa proviñsoù Moesia Superior ha Moesia Inferior.
Aloubet e voe douaroù Dacia gant an impalaer Trajan er bloavezh 106 ha padout a reas ar broviñs roman betek ar bloavezh 271. Gant an impalaer Hadrian e voe rannet Dacia, e 118, da sevel Dacia Superior ha Dacia Inferior. Goude se e voe rannet adarre ha krouet Dacia Porolissensis. Gant an impalaer Marcus Aurelius e voe adaozet ar vro adarre ha krouet teir froviñs nevez ; evel-se e chomas an traoù betek ar mare ma'z eas ar armeoù roman kuit.