Back Османтәи аимпериа Abkhazian Turuki Utsmani ACE Осмэн Пачъыхьыгъо ADY Ottomaanse Ryk Afrikaans Osmanisches Reich ALS የኦቶማን መንግሥት Amharic Imperio Otomán AN Oþomanisce Rīce ANG Ijọn̄-ubọọn̄ Otoman ANN الدولة العثمانية Arabic
|
|
16 Kerzu 2007 : lakaet eo bet ar pennad-mañ war ar renk evit bezañ anavezet evel « pennad mat ». Gallout a rit reiñ hoc'h ali war ar c'hinnig-se.
Sellet ouzh ar c'hemmoù kaset d'ar pennad dibaoe m'eo bet kinniget evit bezañ ur "pennad mat". |
| Rann eus | Galloudoù kreiz  |
|---|---|
| Deiziad krouiñ | 29 Gou 1299, 1300 |
| Anv er yezh a orin | دولت عالیه عثمانیه |
| Anvet diwar | Osman Gazi |
| Den e penn an aozadur | sultan of the Ottoman Empire |
| Yezh ofisiel | Ottoman Turkish |
| Kan broadel | Imperial anthems of the Ottoman Empire |
| Testenn ar ger-stur | دولت ابد مدت |
| Kevandir | Azia, Europa, Afrika |
| Kêr-benn | Kergustentin |
| Daveennoù douaroniel | 41°0′0″N 29°0′0″E |
| Office held by head of state | sultan of the Ottoman Empire |
| Korf lezenniñ | General Assembly of the Ottoman Empire |
| Central bank | Ottoman Bank |
| Diplomatic relation | Persia, Republik Poblel Ukrania |
| Moneiz | Akçe, kuruş, Ottoman lira, sultani |
| A zo stok ouzh | Rouantelezh Bulgaria, Aostria-Hungaria, Impalaeriezh Aostria, Kingdom of Hungary |
| Raklec'hiet gant | Impalaeriezh roman ar Reter, Empire of Trebizond |
| Bet erlec'hiet gant | Government of the Grand National Assembly, occupation of Smyrna |
| Yezh implijet | Ottoman Turkish, perseg, arabeg, gresianeg, galleg |
| Deiziad divodañ | 17 Du 1922 |
| Banniel (deskrivadur) | flags of the Ottoman Empire |
| Ardamezioù | coat of arms of the Ottoman Empire |
| Istor | history of the Ottoman Empire |
| Relijion ofisiel | Islam sunnit |
| Ekonomiezh an danvez | economic history of the Ottoman Empire |
| Poblañsouriezh an danvez | demographics of the Ottoman Empire |
An Impalaeriezh otoman (anvet دولت عليه عثمانيه - Devlet-i Âliye-yi Osmâniyye e turkeg otoman) a oa un impalaeriezh eus ar re vrasañ hag eus ar re c’halloudusañ zo bet en-dro d’ar Mor Kreizdouar. Padet eo eus 1299 da 1922. Anavezet eo bet ivez en Europa evel an Impalaeriezh turk. Pa oa e barr he brud e oa enni tammoù bras eus Azia-Vihanañ, eus ar Balkanoù, eus ar Reter-Nesañ hag eus Norzhafrika. War he lerc’h eo deuet ar Republik Turk, embannet e 1923 gant ar jeneral Mustafa Kemal Atatürk.
Anvioù all he deus bet an impalaeriezh-se, evel Âl-i Osman; Devlet-i Âliye, Devlet-i Ebed-Müddet ("Ar broioù gwarezet mat"), Memâlik-i Mahrûse-i Osmanî, "Ar Rouantelezh otoman hag uhelañ". Renet e oa gant ar Sultan (anv arabek an impalaer).
En em ledañ a rae kenkoulz war ar Bed kornôg ha war ar Bed reterat, hag e-pad 6 kantved eo bet kroashent sevenadurioù Eurazia ha lec'h meur a zarempred etre galloudoù Europa hag Azia. Diazezet e oa bet an impalaeriezh otoman gant an Durked otoman deuet da Anatolia war-dro ar bloavezh 1000. Hêred e oa an Durked otoman d'ur skourr eus ar pobloù turkek, an Durked oghouz a oa bet o ren war greiz Azia.
Er XVIvet hag er XVIIvet kantved e voe e barr he nerzh armerzhel ha milourel, oc’h en em astenn adalek Strizh-mor Jibraltar betek Mor Kaspia hag ar Pleg-mor pers hag arab, hag eus harzoù Aostria da bleg-mor Aden. Aloubet e oa bet ganti darn eus mervent Europa (Ledenez ar Balkanioù) betek kêr Vienna, kêr-benn Impalaeriezh Aostria (bet lakaet seziz warni e 1529 hag e 1683 en-dro), Hanternoz Afrika, betek strizh-mor Jibraltar (hag aod ar Meurvor Atlantel e 1553), hag ar Reter-Nesañ, betek Mor Kaspia.
War ziskar ez eas an impalaeriezh goustadik e-pad an XIXvet kantved betek kouezhañ en he foull e derou an XXvet kantved pa oa bet trec'het er Brezel-bed kentañ hag hi kevredet gant ar Galloudoù kreiz. Goude m’en doa pleget ar Sultan dirak an alouberien e oa bet rannet e zouaroù e meur a stad war atiz ar broioù trec'h (Feur-Emglev Sèvres e 1920). Diwar an douaroù-se e oa bet krouet 39 stad nevez en XXvet kantved. Disklêriet e oa bet ar Republik turk (Türkiye Cumhuriyeti) e 1923 hag ar Sultan, e familh hag e goskor a voe skarzhet eus Turkia.