Un isberg[1] pe skorngrec'h[2] (saozneg iceberg, diwar an nederlandeg ijsberg, "menez-skorn") a zo ur yoc'h dour dous skornet war-neuñv er mor, distaget diouzh ur skorneg.
Dre vras ne vez nemet un 10-15% eus an isberg o tispakañ a-us da c'horre ar mor, ha gwall zañjerus e c'hallont bezañ evit ar merdeiñ, evel ma c'hoarvezas er bloaz 1912 gant al lestr-treizh Titanic, a yeas d'ar strad goude bezañ aet a-benn en un isberg.