Back Schlösser der Loire ALS Zámky na Loiře Czech Slottene i Loire Danish Schlösser der Loire German Κάστρα του Λίγηρα Greek Châteaux of the Loire Valley English Luarkasteloj Esperanto Castillos del Loira Spanish Loirako gazteluak Basque Châteaux de la Loire French
Kestell al Liger zo un hollad kestell er rannvro Traoñ al Liger. Un droienn douristel eo dreist-holl evit komz eus ar c'hestell a voe savet pe adsavet er XVvet ha XVIvet kantved gant roueed Bro-C'hall, en ur mare ma oa o lez eno. E rannvroioù Touren hag Anjev emaint.
War ribl al Liger hag he adstêrioù, pe nepell diouto, emañ ar c'hestell-se. N'eo ket gwall sklaer pelec'h emañ harzoù ar rannvro avat. Departamantoù Maine-et-Loire, Indre-et-Loire, Loir-et-Cher, Eure-et-Loir ha Loiret a vez lakaet e-barzh. Departamantoù Sarthe, Mayenne, Cher, Indre ha Nièvre a vez lakaet ivez gant lod.
E tufev pe e brik int bet savet. Arzourien italian eus ar Rinascimento, en o zouez an hini brudetañ Leonardo da Vinci, zo bet pedet di gant ar roueed c'hall hag a oa o tizoloiñ un arz bevañ nevez.
Un nebeud kestell brudet :