Maorieg

Ur yezh aostronezek eus skourr ar yezhoù polinezek eo ar maorieg (te reo Māori) komzet gant 100 000-160 000 den e Zeland-Nevez e-lec'h ma'z eo unan eus an teir yezh ofisiel gant ar saozneg ha yezh ar sinoù.

Tost-tre eo d'ar rarotongeg ha tost a-walc'h ivez d'an tahitieg ha d'an hawaieg.

Ouzhpenn ar yezh unvan (waikato) e vez isrannet ar maorieg e daou vloc'had rannyezhel pennañ:

• Maorieg an norzh
• Maorieg ar su (kāi tahu)

Skrivet eo bet gant al lizherenneg latin abaoe ar bloavezhioù 1840 d'an nebeutañ.