Back Dooie See Afrikaans ጨው ባሕር Amharic Mar Muerta AN Okwaan̄ Uchi ANN البحر الميت Arabic ܝܡܐ ܕܡܠܚܐ ARC لبحر لميت ARY البحر الميت ARZ মৃত সাগৰ Assamese Mar Muertu AST
Ar Mor Marv (ים המלח en hebraeg ; البحر الميت en arabeg) zo ur mor diabarzh bihan a-walc'h, er Reter Nesañ, etre douaroù palestinat Sisjordania, Israel ha Jordania. Sall-kenañ eo douar ar Mor Marv (30% a holen), salloch eget n'eus forzh peseurt mor all er bed (en-dro da Vreizh ne dap ar mor nemet 3,5% a holen pe war-dro), hag abalamour da se n'eus ket kalz a vuhez ennañ.
En em astenn a ra war 1 050 km² ; 67 km eo e hed brasañ ha 18 km e led d'ar muiañ. Digreskiñ a ra e c'horread ingal, evel ma c'hoarvez ivez gant ledennadoù-dour sall all er bed, Mor Aral pe al Lenn Tchad da skouer. Ar stêr Jordan en em daol er Mor Marv, ha n'eus stêr ebet o redek dioutañ. N'eo ket abalamour ma n'eus ket buhez ennañ e reer ar Mor Marv anezhañ, a lavarer, met abalamour ma vez plaen ha diroufenn peurliesañ. Dre m'eo sall-kenañ e vez aes d'an dud chom war-c'horre an dour ha neuial ennañ.
Al lec'h izelañ war c'horre an Douar an hini eo, gant -422 m dindan live ar mor.
Er Bibl e reer 'Mor ar Reter' pe 'Mor an Holen' eus an Mor Marv. Anv zo anezhañ evit ar wech kentañ e Levr ar C'heneliezh.
