Back Numidië Afrikaans نوميديا Arabic نوميديا ARY نوميديا ARZ Reinu de Numidia AST Numidiya Azerbaijani نومیدیا AZB Нумідыя Byelorussian Нумидия Bulgarian Numidija BS
Numidia a oa ur rouantelezh savet gant Massinissa en Henamzer, hag a badas etre 202 kent JK ha 46 kent J.-K. Edo e reter Aljeria a vremañ, stok ouzh rouantelezh Mauretania (Maroko hiziv ha kornôg Aljeria) er c'hornôg, ha proviñs roman Africa (Tunizia hiziv) er reter, ar Mor Kreizdouar en norzh, hag ar Sahara er su. Annezet e oa gant Berbered. Sellet e vez outañ evel ar c'hentañ Stad eus istor Aljeria. Da gentañ e oa ur rouantelezh emren ha da c'houde e teuas da vezañ a bep eil ur broviñs roman hag ur Stad sujet. Cirta (Constantine en amzer an drevadenn c'hall) e oa ar gêr-benn hag eno e voe kavet bez ar roue Massinissa.
Numidia he deus bet meur a roue. Ar re vrudetañ a zo Gaia (roue), Massinissa, Mikipsa, Jugurta, Juba Iañ, Juba II ha Ptolemaios. Berbered chomidik pe kantreer, an Numided a oa rannet e meuriadoù disheñvel. Re reter Numidia a raed Massylii anezhe (eus Mis Iles, Iles a oa tad-kozh-iou Massinissa) ha re ar c'hornôg a veze anvet Massaesyli.