Back فيليب دى مونتمورنسى كونت اوف هورن ARZ Filip van Montmorency-Nivelle Catalan Philippe de Montmorency, Graf von Hoorn German Philip de Montmorency, Count of Horn English Felipe de Montmorency Spanish Philippe de Montmorency French Philippe de Montmorency, Horne grófja Hungarian Filippo di Montmorency Italian フィリップ・ド・モンモランシー Japanese ფილიპ დე მონმორანსი ჰორნი Georgian
Philippe de Montmorency (1524-5 a viz Mezheven 1568), anavezet ivez evel kont Altena ha kont Horn, a oa mab da Jeanne Egmont ha d'he fried kentañ Joseph de Montmorency. Titl kont Horn a deuio dezhañ a-berzh eil pried e vamm, Jean de Horn.
Dimeziñ a reas da Anne Walburge de Neuenhar. Servij a reas an impalaer Karl V, ha graet e voe marc'heg eus Urzh ar Maoutken aour en 1555. En emgann Saint-Quentin (1557), e oa e penn askellad dehoù an arme war droad gant kont Mansfeld da vare an arsailh a-enep ar c'honestabl gall Anne de Montmorency.
Sevel a reas a-du gant emsavadeg ar Gorgerien a-enep politikerezh Felipe II, roue Spagn. Abalamour da se e voe dibennet war urzh Fernando Álvarez de Toledo y Pimentel, dug Alba. Dibennet e voe Philippe de Montmorency e leurgêr vras Brusel war un dro gant kont Egmont, d'ar 5 a viz Mezheven 1568.