Raganv kenemober

Er yezhoniezh e vez graet an diforc'h etre an emober diouzh un tu raganv pa reer dave d'ur ger-kent (saoz. antecedent) hag ar raganvioù kenemober(saoz. reciprocal pronoun) pa eer dave d'un ober kaset da-benn en un doare kemm-ouzh-kemm etre an eil re hag ar re all ma teu da vezañ kevatal ar c'hraerion (pe renerion hag ar c'hoazañverion (pe renadennoù.

Hervez reolennoù kevreadurezhel ar brezhoneg e reer an diforc'h etre raganvioù kenemober diouzh un tu ha raganvioù emober hag ivez etreze o-daou hag an tu gouzañv.

E yezhoù all avat ne reer ket un diforc'h ken splann atav, da skouer:

Galleg:

Emober

Les cochons se voient (dans la glace)

("En em welet a ra ar moc'h (er melezour))"

Kenemober

Les cochons se voient (quenad on les rassemble)

("En em welet a ra ar moc'h an eil hag egile (pa vezont kentrollet))"

Tu gouzañv

Les cochons se voient (souvent par ici)

("Gwelet a reer/e vez moc'h (dre amañ alies)")