Back Европатәи Аидгыла Abkhazian Еуро Зэкъотыныгъэ ADY Europese Unie Afrikaans Europäische Union ALS አውሮፓ ህብረት Amharic Unión Europea AN Europisce Gesamnung ANG Ntitiin̄ Yurop ANN यूरोपीय संघ ANP الاتحاد الأوروبي Arabic
| Unaniezh Europa | |
|---|---|
 Banniel Europa | |
| |
| Sturienn | In varietate concordia Unanet el liesseurtegezh |
| Kanenn Europa | Kanenn d'al Levenez |
| Devezh Europa | 9 Mae[1] |
| Yezhoù ofisiel | Yezhoù Unaniezh Europa |
| Savidigezh | |
| Feur-emglev Roma 1añ a viz Genver 1958 Feur-emglev Maastricht 1añ a viz Du 1993 Feur-emglev Lisboa 1añ a viz Kerzu 2009 | |
| Melestradur | |
| Kêrioù-penn | Brusel Luksembourg Strasbourg |
| Prezidantelezh • Kuzul • Kengor • Parlamant |
 Charles Michel(12/2019)  Ursula von der Leyden(07/2019)  David Sassoli(07/2019) |
| Douaroniezh | |
| Gorread | 4 194 431 km² (UE27) 7vet renk[2] |
| Poblañs • Hollad (2019) • Stankter |
446 834 578 (UE27) 107 ann./km² 3vet renk[2] |
| Moneiz | Euro (€)[3] |
| Gwerzhidoù-eur | UTC, UTC+1, UTC+2[4] |
| Igorell bellgomz | +3 • +4[5] |
| Armerzh | |
| PDB (diazez PPA) • Hollad (2004) • PDB/annezad |
Renk 1añ[2] 9 € 610 milmilion 21 125 € |
| Internet | europa.eu |
Unaniezh Europa[6][7] (UE) zo un aozadur etregouarnamantel ha dreistvroadel a vod 27 Stad eus Europa a reer ar Stadoù ezel anezho. E 1992 e voe degemeret an anv « Unaniezh Europa » dre Feur-emglev Maastricht a-zivout UE. Doareoù eus an Unaniezh a oa a-goshoc’h avat a-drugarez d'un aridennad emglevioù ha kendarempredoù bet skoulmet adalek 1951.
Oberiantiz Unaniezh Europa a c’holo holl dachennoù ar politikerezhioù foran eus ar yec'hed hag an armerzh betek an aferioù diavaez hag an emzifenn. Astenn he galloudoù a bak pell pe belloc’h avat diouzh an tachennoù. Hervez an tachennoù-se e tenn muioc’h an UE da :
- ur c’hevread (da skouer evit ar moneiz, al labour-douar, ar c’henwerzh, politikerezhioù an endro)
- ur c'hengevread (da skouer evit ar politikerezhioù sokial hag armerzhel, gwarez ar vevezerien, aferioù diabarzh)
- un aozadur etrebroadel (da skouer war dachenn an aferioù diavaez)
Unan eus pennoberezh an UE eo sevel ha merañ ur c’henvarc’had a zo diazezet war un unaniezh valtoutel, ur moneiz hepken (degemeret evit poent gant 20 eus an 27 Stad ezel), ur Politikerezh Boutin war al Labour-douar (POBOL) hag ur Politikerezh Boutin war ar Pesketa.
Lies ensavadur zo bet savet a-benn suraat mont en-dro an UE. Ar re bouezusañ anezho o vezañ Kuzul Unaniezh Europa, Kengor Europa, Parlamant Europa ha Lez-varn Justis Europa.
- ↑ Deiz-ha-bloaz disklêriadur Robert Schuman.
- ↑ 2,0 2,1 ha2,2 Europa evel Stad en he unan.
- ↑ Lod Stadoù ezel zo chomet gant o moneiz broadel.
- ↑ UTC-4 hag UTC+4 er c’hornioù pellañ
- ↑ Diouzh ar Stadoù ezel
- ↑ "Unaniezh Europa (UE)", TermOfis (Ofis Publik ar Brezhoneg)
- ↑ "Unaniezh Europa", Geriadur ar skiantoù hag an teknikoù, brezhoneg21