Back Donau Afrikaans Donau ALS ዳኑብ ወንዝ Amharic Río Danubio AN Donua ANG دانوب Arabic نهر الدانوب ARZ ডানয়ুব নদী Assamese Danubiu AST Дануб AV
 | |
| Math | afon, afon drawsffiniol  |
|---|---|
| Daearyddiaeth | |
| Sir | Baden-Württemberg, Odesa Oblast |
| Gwlad | yr Almaen, Awstria, Slofacia, Hwngari, Croatia, Serbia, Rwmania, Bwlgaria, Moldofa, Wcráin |
| Cyfesurynnau | 45.2219°N 29.7433°E, 48.09511°N 8.15489°E |
| Tarddiad | Brigach, Breg |
| Aber | Y Môr Du |
| Dalgylch | 801,463 cilometr sgwâr |
| Hyd | 2,850 ±1 cilometr |
| Arllwysiad | 5,433 metr ciwbic yr eiliad |
| Llynnoedd | Lake Đerdap |
 | |
Yr afon ail hiraf yn Ewrop yw Afon Donaw neu Afon Donwy (Almaeneg: Donau; Slofaceg: Dunaj; Hwngareg: Duna; Croateg: Dunav; Serbeg a Bwlgareg: Дунав; Romaneg: Dunărea), gan mai Afon Volga yw'r un hiraf; ond Afon Donwy yw'r unig un sy'n llifo o'r gorllewin i'r dwyrain. Mae'n codi yn y Fforest Ddu yn yr Almaen lle mae afonydd Brigach a Breg yn uno i ffurfio Afon Donaw. Mae'r afon yn 2,850 km (1,770 mi) o ran hyd ac yn llifo i'r Môr Du yn Rwmania. Mae rhai ysgolheigion yn gweld cysylltiad rhwng enw(au)'r afon a'r dduwies Geltaidd/Gymreig Dôn.
Mae'r afon yn ddyfrffordd ryngwladol bwysig sy'n cysylltu'r Almaen, Awstria, Slofacia, Hwngari, Croatia, Serbia, Bwlgaria, Rwmania ac Wcráin. Mae trefi mawr ar lan yr afon yn cynnwys Ulm yn yr Almaen, Fienna yn Awstria, Bratislava yn Slofacia, Budapest yn Hwngari a Beograd yn Serbia.
Mae camlas yn cysylltu'r afon ag afonydd Rhein a Main er 1992 (Camlas Rhein-Main-Donaw) ac felly mae'n bosibl mynd ar long o Rotterdam, porthladd ym Môr y Gogledd, i Sulina ar lan y Môr Du (tua 3,500 km). Yn 1987 cludwyd tua 100 miliwn tunnell o nwyddau ar Afon Donaw.
Mae basn afon Donaw yn gartref i rywogaethau pysgod fel penhwyad, penfras dŵr croyw a'r sgreten. Mae hefyd yn gartref i amrywiaeth fawr o'r cerpyn a'r styrsiwn, yn ogystal ag eog a brithyll. Ceir hefyd y mingrwn a'r llysywen, yn byw yn aber yr afon.