Back الأحد الدامي (1972) Arabic Qanlı bazar günü (1972) Azerbaijani Кървава неделя (1972) Bulgarian Sulvezh Gwadek (1972) Breton Diumenge Sagnant (1972) Catalan Krvavá neděle (1972) Czech Bloody Sunday Danish Blutsonntag (Nordirland 1972) German Ματωμένη Κυριακή (1972) Greek Bloody Sunday (1972) English
| Enghraifft o'r canlynol | cyflafan  |
|---|---|
| Dyddiad | 30 Ionawr 1972 |
| Lladdwyd | 14 |
| Rhan o | yr Helyntion |
| Lleoliad | Derry |
 | |
| Enw brodorol | Domhnach na Fola |
 Ffeiliau perthnasol ar Gomin Wicimedia | |
Bloody Sunday yw'r enw a roddir ar y gyflafan a ddigwyddodd yn Derry, Gogledd Iwerddon, ar ddydd Sul, 30 Ionawr 1972 pan saethodd byddin Lloegr 26 o sifiliaid, gan ladd 14.
Credir fod y gyflafan wedi bod yn ergyd farwol i'r mudiad hawliau sifil di-drais yng Ngogledd Iwerddon ac yn hwb sylweddol i'r IRA ac eraill a ddadleai mai ymladd arfog oedd yr unig ateb.
Saethwyd 26 o brotestwyr hawliau sifil gan filwyr Prydeinig, yn bennaf gan uned o 2 Para (The 2nd Battalion The Parachute Regiment). Lladdwyd 13, 6 ohonynt yn blant o 17 oed, ar y dydd gydag un arall yn marw bedwar mis yn ddiweddarach o ganlyniad i anafiadau gafwyd yn y digwyddiad. Tystiodd pobl a welodd y digwyddiad, gan gynnwys gohebwyr, fod pawb a saethwyd heb arfau. Roedd pum o'r rhai a glwyfwyd wedi cael eu saethu yn eu cefn. Roedd y rhai a laddwyd yn cynnwys offeiriad Catholig a geisiodd ymgeleddu un o'r sifiliaid eraill a oedd yn gorwedd ar lawr wedi'i saethu.
Cafwyd ymholiad swyddogol i'r digwyddiad dan arolygiaeth yr Ustus Wiggins a dderbyniodd adroddiad y Fyddin Brydeinig. Ni chafodd neb o'r milwyr yn euog ac anrhydeddwyd aelodau o 2 Para gan Frenhines y DU yn ddiweddarach.