Back Abrahamitiese gelowe Afrikaans أديان إبراهيمية Arabic دين إبراهيمي ARY ديانات ابراهيميه ARZ আব্ৰাহামিক ধৰ্ম Assamese İbrahimi dinlər Azerbaijani ابراهیمی دینلر AZB Ибраһими диндәр Bashkir Abrahamikong relihiyon BCL Авраамически религии Bulgarian
Crefyddau sy'n deillio, yn ôl eu proffeswyr, o'r cyfamod rhwng Duw ac Abraham (a ddyddir gan rai i tua 2000 CC) yw'r crefyddau Abrahamig. Y tair crefydd Abrahamig yw Iddewiaeth, Cristnogaeth ac Islam. Y cysyniad o Undduwiaeth ac arddel Abraham fel un o'r proffwydi mawr yw'r prif elfennau sy'n gyffredin i'r tair crefydd, ond rhennir llawer o nodweddion eraill hefyd. Fel y mae Cristnogion yn ystyried y Gristnogaeth (sef dysgeidiaeth Iesu Grist yn y Testament Newydd) yn olynydd i Iddewiaeth (sy'n seiliedig ar ddysgeidiaeth a thraddodiadau'r Hen Destament), mae Mwslemiaid yn credu y cafodd ysgrythurau'r Iddewon a'r Cristnogion eu "llygru" gyda threigl amser a bod eu llyfr sanctaidd, y Coran, wedi cael ei ddatguddio i'r proffwyd Mohamed i adfer y Gwir ysgrythurol.
