Estrys Amrediad amseryddol: Pleistosen–presennol | |
---|---|
![]() | |
Ceiliog (chwith) a iâr (de), Penrhyn Gobaith Da, De Affrica. | |
Statws cadwraeth | |
Dosbarthiad gwyddonol | |
Teyrnas: | Animalia |
Ffylwm: | Chordata |
Dosbarth: | |
Urdd: | Struthioniformes |
Teulu: | Struthionidae |
Genws: | Struthio |
Rhywogaeth: | S. camelus |
Enw deuenwol | |
Struthio camelus Linnaeus, 1758 | |
![]() | |
Dosbarthiad yr is-rywogaethau |
Aderyn dihediad, buandroed a mwyaf y byd yw'r estrys (Struthio camelus), sy'n perthyn i urdd o adar a elwir yn Struthioniformes. Mae'r oedolyn yn 2.5 medr o daldra ac mae'n pwyso 115 cilogram.[1] Mae ganddo wddf noeth hir a choesau hir ac mae gan ei draed ddau fys. Mae'n methu hedfan ond mae'n gallu rhedeg yn gyflym iawn.[1] Mae'r gwryw'n ddu gydag esgyll gwyn a chynffon wen; mae plu'r fenyw'n llwydfrown.[2]
Mae'r estrys yn bwydo ar weiriau, hadau, ffrwythau a dail.[1] Fe'i ceir mewn safana a lled-anialwch yn Affrica.[1] Ystyrir yr is-rywogaeth S. c. molybdophanes (estrys Somalia) o Gorn Affrica yn rhywogaeth wahanol gan rai dacsonomyddion.[3]