Gwyneth Paltrow

Gwyneth Paltrow
Ganwyd	Gwyneth Kate Paltrow  27 Medi 1972  Los Angeles
Dinasyddiaeth	Unol Daleithiau America
Alma mater	Spence School Prifysgol Califfornia, Santa Barbara Crossroads School for Arts & Sciences Crossroads School for Arts & Sciences
Galwedigaeth	actor ffilm, canwr, cerddor, actor llwyfan, actor teledu, cyfansoddwr caneuon, person busnes, sgriptiwr, cynhyrchydd teledu, actor, cyfarwyddwr ffilm
Swydd	prif weithredwr
Taldra	175 centimetr
Plaid Wleidyddol	plaid Ddemocrataidd
Mudiad	Time's Up
Tad	Bruce Paltrow
Mam	Blythe Danner
Priod	Chris Martin, Brad Falchuk
Partner	Brad Pitt, Ben Affleck, Robert Sean Leonard, Donovan Leitch, Luke Wilson
Plant	Moses Martin, Apple Martin
Gwobr/au	Gwobr yr Academi am yr Actores Orau, Q41043454, Gwobr Crystal, Primetime Emmy Award for Outstanding Guest Actress in a Comedy Series, seren ar Rodfa Enwogion Hollywood, Gwobrau'r Academi, Golden Globes, Gwobr Cymdeithas Actorion Sgrîn, Gwobr Emmy 'Primetime'
Gwefan	https://gwynethpaltrow.com/

Actores a chantores yw Gwyneth Kate Paltrow (ganwyd 27 Medi 1972) o Los Angeles, Califfornia. Yn ferch i Brice Paltrow a Blythe Danner, gadawodd Paltrow ei chwrs prifysgol er mwyn dilyn gyrfa ym myd actio. Dechreuodd ei gyrfa yn perfformio mewn theatrau ym 1990, a chafodd ei rhan gyntaf mewn ffilm y flwyddyn ganlynol. Mae ei ffilmiau cynharaf yn cynnwys y ffilmiau llwyddiannus Se7en (1995), Emma (1996), lle chwaraeodd y prif ran, a Sliding Doors (1998). Derbyniodd feirniadaethau clodwiw am ei pherfformiad yn Shakespeare in Love (1998); enillodd Wobr yr Academi am yr Actores Gorau, Gwobr Golden Globe a dau o wobrau'r Chymdeithas yr Actorion Sgrîn am Brif Actores Eithriadol ac fel aelod o Gast Eithriadol, ynghyd â nifer o wobrau ac enwebiadau eraill.

Parhaodd ei llwyddiant gyda rôlau mewn ffilmiau fel The Talented Mr. Ripley (1999) a Shallow Hal (2001). Serennodd hefyd yn y ffilm Duets (2000), a gynhyrchwyd ac a gyfarwyddwyd gan ei thad Bruce Paltrow. Canodd Gwyneth Paltrow ddwy gân ar y trac sain a bu'r caneuon yn llwyddiannus mewn rhai gwledydd. Derbyniodd enwebiad am Wobr Golden Globe am yr Actores Orau mewn Ffilm am Proof (2005). Yn fwy diweddar, ymddangosodd yn y ffilm Iron Man (2008).

Yn aml, mae ei bywyd personol wedi derbyn llawer o sylw gan y wasg; bu'n canlyn â Brad Pitt o 1995 tan 1997, a phriododd Chris Martin, prif leisydd y band roc Seisnig Coldplay, yn 2003. Maent yn rhieni i ddau o blant, Apple Blythe Alison Martin (g. 2004) a Bruce Anthony Martin (g. 2006). Dywedodd Paltrow iddi leihau ei baich gwaith ar ôl genedigaeth ei phlentyn cyntaf. Ym mis Mawrth 2014, cyhoeddwyd y byddai'r cwpl yn gwahanu ar ôl bod yn briod am ddeng mlynedd.