Jenin

Jenin

Math	dinas
Poblogaeth	49,908
Cylchfa amser	UTC+2, UTC+03:00
Gefeilldref/i	Coslada, Sidi Bennour
Iaith/Ieithoedd   swyddogol	Arabeg
Daearyddiaeth
Sir	Llywodraethiaeth Jenin
Gwlad	Palesteina
Arwynebedd	37.3 km²
Uwch y môr	161 metr
Gerllaw	Afon Iorddonen
Cyfesurynnau	32.4611°N 35.3°E
Gwleidyddiaeth
Corff gweithredol	Municipality of Jenin
Corff deddfwriaethol	Municipality of Jenin
Swydd pennaeth   y Llywodraeth	Mayor of Jenin
Ffeiliau perthnasol ar Comin
[golygwch ar Wicidata]

Dinas yn Y Lan Orllewinol, Palesteina, yw Jenin (Arabeg: جنين ; Hebraeg: ג'נין‎). Jenin yw canolfan weinyddol talait Jenin. Mae'n ganolfan amaethyddol bwysig. Mae'n gorwedd ar fryn rhwng Dyffryn yr Iorddonen i'r dwyrain a'r Marj Ibn Amer (Dyffryn Jezreel) i'r gogledd. Mae tua 35,760 o bobl yn byw yno (2006). Cyfeirir at Jenin yn y Beibl wrth yr enw Ein Ganeem.

Lleolir gwersyll ffoaduriaid Palesteinaidd Jenin ar gyrion dinas Jenin, ac mae Jenin yn enw ar yr ardal o gwmpas y ddinas hefyd. Mae'r ddinas a'r ardal dan awdurdod swyddogol Awdurdod Cenedlaethol Palesteina. Oherwydd ei rhan amlwg yn yr intifada, sef gwrthsafiad y Palesteiniaid yn erbyn Israel, ymosodwyd ar wersyll ffoaduriaid Jenin gan Llu Amddiffyn Israel fel rhan o'r hyn y mae'r Israeliaid yn ei alw yn "Ymgyrch Taran Amddiffynnol" (Operation Defensive Shield) yn Ebrill 2002 ac mae milwyr Israelaidd wedi bod yn ôl sawl gwaith ers hynny hefyd. Lladdwyd dros hanner cant o Balesteiniaid gan yr Israeliaid yn ymosodiad Ebrill 2002, gyda thua eu hanner yn sifiliaid: cyfeirir at y digwyddiad fel "Cyflafan Jenin" gan y Palesteiniaid a "Brwydr Jenin" neu "Ymgyrch Jenin" gan yr Israeliaid. Parhaodd gwersyll Jenin i gael ei warchae, i bob pwrpas, gan yr Israeliaid. Saethwyd Iain Hook, rheolwr y gwersyll ar ran UNRWA, ym mhencadlys UNRWA yn Jenin gan sniper Israelaidd yn Nhachwedd 2002.^[1]

1. ↑ UNRWA