Pontrhydyfen

Pontrhydyfen

Math	pentref
Daearyddiaeth
Sir	Castell-nedd Port Talbot
Gwlad	Cymru
Cyfesurynnau	51.6318°N 3.7439°W
Gwleidyddiaeth
Ffeiliau perthnasol ar Comin
[golygwch ar Wicidata]

Pentref ym mwrdeistref sirol Castell-nedd Port Talbot, Cymru, yw Pontrhydyfen (neu Pont-rhyd-y-fen). Saif yng Nghwm Afan ar lethrau'r bryniau lle mae Afon Pelenna yn rhedeg i mewn i Afon Afan. Mae yna bont amlwg yng nghanol y pentref (un o sawl pont) a adeiladwyd gan John Reynolds ym 1825. Hon yw "Y Bont Fawr", a oedd ar un adeg yn dwyn rheilffordd fach dros y cwm. Yn ddiweddarach roedd yn dwyn camlas i gario dŵr i'r gwaith haearn ger ardal Penycae (Oakwood nawr).

I'r de i lawr Cwm Afan mae pentref Cwmafan. I'r gogledd-ddwyrain lan y cwm mae Cynonville a pharc fforest Afan Argoed. I'r gorllewin mae tref Castell-nedd.

Cynrychiolir yr ardal hon yn Senedd Cymru gan David Rees (Llafur)^[1] ac yn Senedd y DU gan Carolyn Harris (Llafur).^[2]

1. ↑ "Gwefan Senedd Cymru". Archifwyd o'r gwreiddiol ar 2021-11-10. Cyrchwyd 2021-12-23.
2. ↑ Gwefan Senedd y DU