Robert III, brenin yr Alban

Robert III, brenin yr Alban
Ganwyd	John Stewart  c. 1330s  Palas Scone
Bu farw	4 Ebrill 1406  o trawiad ar y galon  Castell Rothesay
Dinasyddiaeth	Teyrnas yr Alban
Galwedigaeth	gwleidydd
Swydd	teyrn yr Alban
Tad	Robert II, brenin yr Alban
Mam	Elizabeth Mure
Priod	Anabella Drummond
Plant	David Stewart, Duke of Rothesay, Iago I, brenin yr Alban, Margaret Stewart, James Stewart of Kilbride, Sir John Stewart, Lady Elizabeth Stewart, Egidia Stewart, Lady Mary Stewart, Robert Stewart
Llinach	y Stiwartiaid

Brenin yr Alban o 1390 hyd ei farwolaeth oedd Robert III, brenin yr Alban (14 Awst 1337 – 4 Ebrill 1406).

Cafodd ei eni fel John Stewart; roedd yn fab hynaf i Robert II ac Elizabeth Mure. Priododd Anabella Drummond yn 1367. Tua 1387 dioddefodd anafiad difrifol o ganlyniad i gic gan geffyl, a bu'n dioddef yr effeithiau am y gweddill o'i oes. Daeth yn frenin yr Alban ar farwolaeth ei dad yn 1390. Yn 1399, o ganlyniad i anabledd Robert, daeth ei fab hynaf, David Stewart, Dug Rothesay, yn llywodraethwr y deyrnas. Wedi ffrae rhwng Dug Rothesay a'i ewythr, Robert, dug Albany, bu farw Rothesay ym mis Mawrth 1402, dan amgylchiadau amheus.

Penderfynodd Robert III yrru ei fab arall, James, i Ffrainc er mwyn diogelwch, ond pan oedd ar y ffordd yno yn 1406, cipiwyd ei long gan y Saeson, a chadwyd James yn garcharor brenin Lloegr am 18 mlynedd. ywedir i Robert farw o dorcalon wedi cael y newyddion. Olynwyd ef gan James fel Iago I, brenin yr Alban, ond aeth blynyddoedd heibio cyn iddo gael ei ryddhau i'w goroni.