Twristiaeth hoyw

Mae twristiaeth hoyw neu dwristiaeth LHDT yn fath o dwristiaeth arbenigol sy'n targedu pobl lesbiaid, hoyw, deurywiol a thrawsrywiol (LHDT).^[1] Gan amlaf, mae'r twristiaid hyn yn agored ynglŷn â'i cyfeiriadedd rhywiol ond gallant fod yn fwy neu'n llai agored pan yn teithio.^[2][3]

Prif nodweddion twristiaeth LHDT ydy dinasoedd a gwledydd sy'n ceisio denu twristiaid LHDT; pobl sydd eisiau teithio i gyrchfannau sy'n LHDT-gyfeillgar; pobl sydd eisiau teithio gyda phobl LHDT eraill pan yn teithio waeth beth fo'r cyrchfan a theithwyr sydd eisiau profiadau diwylliannol mewn awyrgylch diogel.^[4] Yn Saesneg, defnyddir y term bratiaith gaycation i gyfeirio at wyliau lle ceir elfen amlwg o ddiwylliant LHDT, boed o ran y daith ei hun neu o ran y cyrchfan.^[5] Mae'r diwydiant twristiaeth LHDT yn cynnwys asianteithiau teithio, mordeithiau a chwmnïau hysbysebu a hyrwyddo teithiau sy'n gwerthu'r cyrchfannau hyn i'r gymuned hoyw.^[4] Yn sgîl y tŵf yn y nifer o bobl LHDT sy'n magu plant ers dechrau'r 200au, gwelwyd cynnydd yn nhwristiaeth LHDT teulu-gyfeillgar, er enghraifft R Family Vacations sy'n cynnwys geithgareddau ac adloniant wedi ei anelu at gyplau hoyw gan gynnwys priodasau hoyw. Cynhaliwyd mordaith gyntaf R Family ar fâd Norwyaidd, sef Norwegian Dawn gyda 1600 o deithwyr yn cynnwys 600 o blant.^[6][7]

Mae cwmnïau mawrion yn y diwydiant twrsitiaeth wedi dod yn ymwybodol o'r arian sylweddol sydd ar gael gan y farchnad arbenigol hwn (a elwir hefyd yn "y Bunt Binc"). O ganlyniad mae nifer o gwmnïau wedi gwneud dewis penodol i dargedu'r farchnad hwn.^[8] Yn ôl adroddiad y Tourism Intelligence International yn 2000, roedd 10% o dwristiaid rhyngwladol yn hoyw a lesbiad, a olygai fod y gymuned hoyw yn ei chyfanrwydd yn hedfan dros 70 miliwn o weithiau.^[9] Disgwylir i'r canran hyn gynyddu wrth i bobl LHDT gael eu derbyn fwyfwy ac wrth i agweddau tuag at leiafrifoedd rhywiol newid.^[4] Amcangyfrifwyd i'r farchnad hoyw gyfrannu $55 biliwn yn flynyddol yn 2007.^[10]

1. ↑ The Complete Travel Detective Bible: The Consummate Insider Tells You What You Need to Know in an Increasingly Complex World! gan Peter Greenberg; Rodale, 2007; ISBN 1594867089, 9781594867088.
2. ↑ Straight Jobs Gay Lives: Gay and Lesbian Professionals, the Harvard Business School, and the American Workplace gan Annette Friskopp, Sharon Silverstein; Simon and Schuster, 1996; ISBN 0684824132, 9780684824130.
3. ↑ Shipping Out, Olivia Style on the Mexican Riviera: Olivia Cruises is everything people say it is, and absolutely nothing like it Archifwyd 2012-12-01 yn y Peiriant Wayback. gan Judy Wieder, Out Traveler – Haf 2004
4. ↑ ^{4.0 4.1 4.2} Gay and Lesbian Tourism: The Essential Guide for Marketing gan Jeff Guaracino; Butterworth-Heinemann, 2007; ISBN 0750682329, 9780750682329.
5. ↑ James Keir Baughman, Villages by an Emerald Sea: America's New Rivera, Northwest Florida's Magnificent Emerald Coast (Baughman Literary Group, 2003)
6. ↑  Q and A with Rosie and Kelli on "All Aboard! Rosie's Family Cruise". Planet Out (2006).
7. ↑  Davis (2005-01-12). Getting Away with R Family Vacations. Windy City Times.
8. ↑ All the Rage: The Story of Gay Visibility in America gan Suzanna Danuta Walters; University of Chicago Press, 2003; ISBN 0226872327, 9780226872322.
9. ↑ South Carolina’s LGBT Population – Economic & Business Impact
10. ↑  Philadelphia refines its pitch to gay tourists. USA Today/Associated Press (2007-08-01).