Verg

Vergo gewr Mabênê zemani: 0.7–0Ma PreЄ Є O S D C P T J K Pg N ↓ Pleistoseno Miyanên– Ewro
Vergê Ewrasya (Canis lupus lupus).
Weziyetê seveknayışi
Tay Qağu  (IUCN 3.1)
Sınıfkerdışê şınasiye
Subspecies
Numerous and disputed, see Subspecies of Canis lupus
Cayê cıyo tarixi (sur) u cayê cıyo modern (green) range of wild subspecies of C. lupus

Verg ya zi vergo gewr (Canis lupus), cınso ke keyey kutıkan (Canidae) ra yewo, keyey xo de tewr cınso gırdo u herao. Kutık zi kewneno keyey vergan miyan u bıncınsê vergano. Keyey vergan dınya sero pêro qıtay Ewrasya (teberê Hindıstani u verocê rocvetışê qıtay Asya u Japonya de) u zımey qıtay Amerika de weşiya xo rameno. Yew vergo neriyo ke pilo şeno çewres kg bıbo, verga mayki zi hirıs u çehar kg ra heta çewres kgi veciyena.

Serê vergi kutıki ra gore gırdêro, goşê cı qıtekêro u postê xo sero muyê cı zafêro. Dımê vergi her tım ya a dergo ya zi verg dımê xo top keno. Zemanê veri de vergan dınya sero xeylê cayan de weşiya xo ramıtêne ema dem be dem merdımi amey têlewe be vergan u merdıman vergi ehl kerdê. Ana fıkıriyeno ki 14.000 serran ra ver çiyê ke merdıman eştê cı teber, vergan ê werdêne u ana wına vergi amey ra nezdiyê merdıman. Merdıman kutıki 100.000 serran ra ver ehl kerdê coka ê vergan ra gore nezdiyêrê.

Coğrafya sero vergê ke qutıbê zımey sero cıwiyenê ê gırdêrê. Uca ra veroci sero gırdiya vergan hêdi hêdi qıtek bena. Vergi aver ğezalan wenenê, inan teber de şenê meyi, golıki, bızıki burê. Eger verg çiyê nêvineno, şeno ganiyanê qıteki zey arweş u teyri buro.